Басылымның табалдырығы – төр, төрі – тұғыр

Аудандық басылымда қызмет еткен жылдары қарапайым қаламмен ел ішіндегі шындықты жазуға, халықтың үнін жеткізуге, қоғамның түйткілдерін ашып көрсетуге тырысқан едік. «Журналистика – жүрекпен сезіп, ақылмен жазу өнері» ретінде көпшіліктің жоғары бағасына иә. Қашанда оқырман жүрегінен орын алып, негізгі қаруымыз сөздің қадірін сезіне білгенбіз. Өткен жылы аудандық «Тіршілік тынысы» газеті 85 жылдық мерей тойын атап өтті. Үнемі басылымның мәртебесін көтеру мақсатында газет бетіндегі мақаланың көпке өтімді болуын ойлап тұрамыз.

Газет ұжымы қай кезде де сан түрлі тақырыпта мәселелерді қозғап, оқырманға ой саларлық таным­дық мақала бергенді дәстүрге айналдырған. Халықтың сенімін арқа­лау арқылы өзіндік позицияны ұстанатын ұжымның жұмысы әрқашанда қауырт. Өзім редакция­да бірнеше жыл жауапты хатшы қыз­метін атқардым. Жыл өткен са­йын заман ағымына ілесуді, мақаланы түр­лендіріп беруді, дизайн жұмысын жан­дандыруды қалыптастырдық.

Басылымның табалдырығы – төр, төрі – тұғыр екенін жақсы білеміз. Қасиетті қарашаңырақта жұмыс іс­теген елдің азаматтары лауазымды қызметтерге орналасып, ауданның әлеуметтік-экономикалық дамуы жо­лын­да еңбек етуде. Кәсіби мерекемен әріптестерімді құттықтай отырып, газетіміздің беделі арта берсін демекпін.

Шаһарбек НҰРСЕЙІТ,

Халықаралық «Қазақ тілі қоғамы»

қоғамдық бірлестігінің аудандық филиалының төрағасы,

ҚР Журналистер одағының мүшесі