Мәжіліс депутаты редакция жұмысымен танысты

ҚР Парламенті Мәжілісінің депутаты Мұрат Ергешбаев аудандық газет редакциясына келіп, шығармашыл ұжымның тыныс-тіршілігімен танысты.

– Сырдария аудандық «Тіршілік тынысы» газеті редакциясында болып, басылымның бас редакторы, аудандық мәслихаттың депутаты Ақтөре Ибрагимұлымен пікірлестім. Кездесу барысында ақпараттық-наси­хаттық жұмысты үйлестірудегі мерзімді басылымның рөлі, жаңа медианың талаптары, сондай-ақ қазақ баспасөзінің бүгіні мен бола­шағы туралы әңгімелестік, – деп жазды әлеуметтік желідегі жеке парақ­шасында Мәжіліс депутаты.

М.Ергешбаев сондай-ақ аудан­дық газет тілшілерінің еңбегін жо­ғары бағалап, басылымның алда келе жатқан 85 жылдық мерей­тойы­мен де құттықтады.

– Түрлі тақырыпта дәйекті ақпарат таратып, жаңалықтың жаршысына айналған аудандық газеттің бүгінде тұрақты оқырмандары қалыптасқан. Басылым биыл өзінің 85 жылдық мерейтойын атап өтеді. Бұл – аудан тарихы үшін де маңызды. Осы ретте өңірімізге белгілі азаматтар еңбек еткен аудандық газет ұжымын айтулы мерейтойымен құттықтап, шығармашылық сәттілік тілеймін, – деп түйіндеді Мұрат Нәлқожаұлы.

«Тт» ақпарат