Қырық жылдан ас­там уа­қыт ау­данның үн­жа­рия­сының оқыр­­ма­ны­мен ажырамауына қызмет еткенім бұл журналист ретіндегі менің туған елге деген қыз­ме­тімнің бір арнасы десем артық айт­қандық болмас.

Қызметтік жо­­лым­да тіл­шіден бас­тап, бас­шылыққа дейін көтеріліп, әр кезең­дегі қиыншылықты ең­серіп, заманауи тә­сіл­мен га­зет­тің шы­ғуына атса­лыс­қаным үшін ризамын. Бүгінде аудандық га­зеттің шығармашылық жолында жас­тар көшбасында келеді. Бұрынғы кезбен салыс­тыруға келмейді. Талап та тәртіп те қатаң. Оның үстіне электронды сайттың дамыған кезінде халықты әлеуметтік желі арқылы ақпараттандыру міндеті де тұр. Бұл ретте жаңа­шыл­дыққа бейім жастардың, басылым журналистерінің еңбегі ұшан-теңіз.

Ұлт ұстазы Ахмет Байтұрсынұлы: «Газет – халықтың көзі, құлағы һәм тілі» десе, халық жазушысы Әзілхан Нұршайықов: «Газеттің ісі – бір күндік, сөзі – мың күндік» деп, басылымға деген бағасын бергені оның құндылығын көрсетсе керек. Қай кезде де баспасөз саласы нардың жүгіндей жүк көтеріп келеді. Қоғам мен билік арасындағы «алтын көпір» іспеттес. Соған орай төл мереке қарсаңында қаламгерлерге көрсетілетін құрмет те ерекше. Аудандық газет тілшілері қоғамның түйткілді мәселесін қозғап, халық мүддесіне қызмет етіп, оқыр­мандардың алғысын арқалауда. Бұл аға буын ұрпақтың салған ізгі жолы. Сондықтан оны лайықты жалғастыру бүгінгі журналистерге жүктелген міндет.

Бүгінде 86 жылдық тарихы бар «Тір­шілік тынысы» газетінде еңбек ететін қалам­герлер ауданның ты­ныс-тіршілігін, шежіресін, қоғам­дық-саяси, рухани-мәдени жаңа­лықтарын бас­па бетінде үнемі жа­риялап келеді. Ауданның жағымды жаңалықтарын оқырманға сапалы түрде жеткізуде. Аптасына екі мәрте жаңа шығарылымын асыға күтетін оқырманның қатарындамын. Қанша жыл осы салада еңбек етсем де, әлі күнге дейін бірде бір рет баспасөзге жазылу науқанынан қалыс қалмадым. Бұл бір жағынан ауданның азаматы, әрі газеттің жанашыры ретінде жасаған қамқорлығым, әрі қолдауым, таралымның артуына қосқан үлесім.

Аға буын журналист, әрі сала­ның жүгін білетін ардагер ретінде журналистердің жұмысы­на абырой, шығармашылық табыс тілеймін. ­Редакция қызметкерлерін және ұзақ жыл осы басылымда қыз­мет етіп, құрметті демалыста жүрген арда­герлерді төл мерекемен құт­тықтаймын.

Жыл сайын оқырмандарыңыздың саны артып, халықты сапалы да мазмұнды, қызықты да, керек ақ­паратпен, мақаламен қуанта беріңіз­дер деген тілектемін.