Алдымен аудан әкімі Қазақстанның Құрметті журналисті, Сырдария ау­даны­ның Құрметті азаматы, ақын Мұхтар Сақтаповты кәсіби мерекемен құттықтап барып, сый-құрмет көрсетті. Ардагер-журналист өз кезегінде алғы­сын айтып, батасын берді.

Мерекелік қабылдаумен жалғасқан іс-шарада сөз сөйле­ген аудан басшысы ірге­лі ұжым ­­мен қарым­ды қалам­герлерді кәсіби мерекемен құт­тықтап, құрмет көрсетті.

– Сіздерді бүгінгі кәсіби ­ме­­­­­­ре­­­­­­­ке­­ле­рі­ңіз – Бұқаралық ақпарат құ­­­­рал­дары қыз­меткерлері күні­мен шын жү­рек­тен құттықтаймын! Бұдан бір ғасырға жуық уақыт бұрын ұлт ұс­тазы Ахмет Байтұрсынұлы «Газет – халықтың көзі, құлағы һәм тілі» деп баға берген еді. Бұл ұлағатты сөзді қазір тек басылымдарға ғана емес, барлық бұқаралық ақпарат құрал­дарына қатысты қолдануға болады. Мемлекет басшысы Қасым-Жомарт Кемелұлы Тоқаев «Қазір еліміздегі барлық бұқаралық ақпарат құралдары Қазақстанның мемлекеттілігін ны­ғайту, елімізде жүргізіліп жатқан реформаларды халыққа жеткізу жолында күш біріктіруде» деп атап көрсетті. Журналист болу үшін кәсіби біліктілікпен қатар, батылдық пен табандылық керек. Өзгенің мәсе­лесіне жанашырлық танытып, әрбір іске жауапкершілікпен қарайтын және ұлттық деңгейде ойлай білетін жур­налисті бүкіл халық құрметтейді. Аудан айнасы саналатын 86 жылдық тарихы бар «Тіршілік тынысы» газеті ұжымы ауданның әлеуметтік-эко­номикалық жағдайын, оң өзгерістер мен жағымды жаңалықтарына үнемі ақпараттық қолдау көрсетіп келеді. Бүгінгі күні басылым 3315 тиражбен жарық көріп, халыққа ақпарат ұсынуда 30-ға жуық қызметкер аянбай еңбек етуде. Оларға сала ардагерлері мен баспасөз саласының жанашырлары әркез қолдау білдіруде. Сондықтан мен­шікті басылымның еңбегін аудан халқы ерекше ықыласпен бағалайды. Осы сәтті пайдалана отырып, Сіздерге шынайы алғысымды жеткізгім келеді. Биыл ауданымыздың дамуына ең­бек етіп жүрген сала ардагерлері Қазақстан Журналистер одағының мүшесі Мүсілім Қалмұратұлы мерейлі 75 жасқа, Қазақстан Журналистер одағының мүшесі, «Еңбек ардагері» медалінің иегері Сәуле Сұлтанқызы 65 жасқа толып отыр. Мерейтой иелерін шын жүректен құттықтаймын, – деді аудан басшысы.

Өз кезегінде мерейлі 75 жас­қа кел­ген сала ардагері Мүсілім Қалмұратұлына ау­дан басшысы арнайы құт­тықтау хат та­быстап, иығына шапан жапты. Ардақты ардагерге Қызылорда облыстық ардагерлер кеңесінің Құрмет грамотасы берілді.

Ал сала ардагерлері мен маман­дары аудан әкімінің, аудан про­ку­роры­ның, «Сыр медиа» ЖШС бас ди­ректорының алғыс хатына, «Сыр медиа үздігі» марапатына ие болды. Жиында сөз алған аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, редакцияның бастауыш ардагерлер ұйымының төрағасы Мүсілім Қалмұратұлы, баспахана ардагері Қалдыгүл Балшықбаева кәсіби мерекеге арнап, ақжарма тілегін жеткізді.