– Алғашқыда А.Жданов атындағы орыс орта мекте­бі болып ашылған мектептің тарихы 1948 жылдан бастау алады. Ол кезде мектеп бір қабатты, 260 орындық, жеті жылдық болған. Ең алғаш 1951 жылы мектепті 11 тү­лек бітірген. Оның бесеуі «алтын» және «күміс» медаль алып шыққан. 2008 жылы мектеп көрнек­ті ақын Ә.Тәжібаевтың есімін иеленді. Ең бірін­ші директор – Хан Федор Яковлевич бол­ған. Одан кейінгі жылдары Рыбалкина Александра Ивановна, Асқаров Келес Асқарұлы, Садуақасова Дина Садуқызы, Жүсіпбекова Зәуре Жүсіпбекқызы, Дмитренко Галина Ивановна, Те Александра Венециев­на, Отызбаев Сәбит Отызбайұлы, Байдушева Гүлмира Серік­бай­қызы, Төлегенов Мұрат Төлегенұлы, Сағындық Бағдаш Ғаппарқызы, Жұмабаева Үміт Қонысбай­қызы директорлық ет­кен. Білім беру саласында, оның ішінде мектеп-лицейдің бүгінгі деңгейге жетуіне үлес қос­қан жандардың есімі мектеп тарихында алтын әріппен жазылып қал­ды.

75 жылдық тарихы бар мектептің шәкірттері де осал емес. Небір ақын-жазушы, қоғам қайрат­­­­кер­лері білім алған. Республика, облыс, аудан экономикасы мен мәдениетін көтеруде елеу­­лі үлес қосып жүрген түлектерімізді әркез мақ­таныш­пен айтамыз. Олардың қатарында тех­ника ғылымдарының докторы, профессор Совет Біттібаев, физика-математика ғылым­дары­ның докторы, профессор Әбибулла Төреходжаев, ақын ҚР Әнұранының авторы Жадыра Дәрібаева, генерал-майор, құқық сала­сы­­ның ардагері Айтбай Әлібаев, Қазақстан Респуб­лика­сы Парламенті Сенаты төрағасының орын­­басары Жақып Асанов, ҚР Парламенті Мәжілі­сі­нің депутаты Мұрат Ергешбаев, меди­ци­на ғылымдарының кандидаты Алик Искаков, футбол федерациясының бірінші вице-прези­денті Болат Көшербаев, ҚР Білім беру ісі­нің үздігі, «Сырдария ауданының құрметті азаматы» Гүлбар Әбілова сияқты азамат, азаматшалар­ды ерекше атап өтуге болады. Жалпы айта берсек бүгінгі таңда еліміздің дамуына үлес қосып, аға буын өкілі ретінде халыққа адал қызмет етіп жүр­ген түлектеріміз жетерлік.

– Қазақта «білім мен тәрбие – егіз» деген сөз бар. Дана халқымыз жастарға жақсы білім беру үшін тәрбие мәселесін басты назар­да ұстау қажеттігін ертеден білген. Қазіргі кезде саналы ұр­пақ тәрбие­сі – болашағымыз үшін ең асыл мұра, ең қымбат құндылық. Ұрпақ тәрбиесіне жұмсал­­ған күш-жігер, уақыт, еңбек – болашақ­қа ең маңызды инвестиция, ең ұтымды үлес. Сан ғасыр сынынан өткен ұлттық тәр­бие қағидаларын әлемдік озық тәрбие тәжіри­белері­мен ұштастыра отырып, бәсекеге қабілет­ті саналы да білімді ұрпақ тәрбиелеу жұмысын жетіл­­діру мақсатында ең бірінші алдын ала бес жыл­ға дайындалған мектептің даму жоспа­рын басшылыққа аламыз. Аталған жоспар­да оқу, тәрбие және білімді, саналы ұрпақ тәрбиелеудегі негізге бағыттар қамтылған.

– Мұғалім қандай болса, мектеп сондай бол­мақ. Мұғалім – мектептің айнасы. Ендеше ең әуелі мектепке керегі – білімді, ұстаз­дық ұлы қызметтен, әдістемеден хабардар, жақсы оқы­та білетін мұғалім. Осы орайда ұжымдағы мұғалім­­дердің бәрімен мақтана алар едім. Мектеп-лице­йімізде барлы­ғы 150 мұғалім қыз­мет атқарады. Арамызда «Ы.Алтынсарин» төс­бел­гі­сінің иегері Ү.Батишева, бірнеше дүркін олим­­пиада жеңім­паз­дары­ның жетекшілері Ж.Садықова, Р.Есбаева, Г.Ешмұратова, Г.Сулейменова, Л.Әлайдарова, Ж.Серікбаева, А.Бижанова, Л.Ауминова, Ш.Палмахова, А.Ералиева, Е.Мясцова секілді білікті ұстаз­дары­­­мыз­ды ерекше атап өтуге бола­ды. Және бала жанының бағбанына айнала білген Ф.Садырбаева, А.Кушерова, А.Қосмамбетова, Б.Спан, Г.Әмзеева, О.Ким, Ш.Маханова, М.Сағындықова, Г.Садуова, А.Мыңжасарова, А.Қожантай, Ғ.Әлекеев, Г.Байдушева есімдерін атап өту орынды.

– Мектеп оқушылары түрлі пән олимпиадалары мен байқауларда топ жарып, биіктерден көрінуде. Биыл алғаш рет ауыл мектептерінің оқушыларына арналған олимпиада өтті. Мектеп­­ішілік кезеңге 52 оқушы қатысып, 25 оқушы аудандық кезеңге жолдама алды. Облыс­тық кезеңге 11 оқушы өтіп, оның 7-еуі жүлделі орын иеленіп, екі оқушы Алғыс хатпен марапатталды. Екі оқушы орыс тілі және әдебиеті пәні бойынша республикалық кезеңге жолдама алды. Республикалық кезеңнен де жүлдемен оралдық. Одан бөлек оқушылар ғылыми жоба мен түрлі деңгейдегі, түрлі бағыттағы байқау­ларда топ жарып, мектеп абыройын асқақтатып жүр. Мектебіміз 2023 жылы «Ең үздік олим­пиадалық команда» атауын жеңіп алуы да сөзімізді дәлелдей түседі.

– «Айналаң – сенің айнаң» деп жатады. Өзім туралы айту қиын. Қандай басшы екенімді сырт көз топшылар. Десек те қаталмын деп айта алмаймын, бірақ талапшылмын. Әрбір істің, жұмысымның нәтижелі болуы үшін аянбай­мын. Жұмсақпын деп те айта алмаймын, себебі алдымда жауапкершілігі жоғары міндет тұр. Сол міндетімді атқаруда ұжымыммен бірге бір жеңнен қол, бір жағадан бас шығарып, бірлікте жұмыс жасауға тырысамын.

– Ұрпаққа тәлім беруде, білім сапасын жақсар­ту жолында мектеп, ата-ана және оқушы үштік одақ болып жұмыла белсенділік танытса, оң нәтижеге қол жеткізу аса қиынға соқпайды. Осы орай­да мектебіміздегі «Мұғалім – оқушы – ата-ана үштік одақ ынтымақтастығы» жүйелі жол­ға қойылған. Биылғы оқу жылынан бастап мектеп­те өтетін ата-аналар жиналысының фор­маты өзгертілді. Мектеп-лицейімізде «Ата-аналарды педагогикалық қолдау орталығы» ашы­лып, ата-аналарға арналған арнайы педа­гоги­калық қолдау сабақтары жүргізілуде. «Тек ата-аналар­мен бірге жалпы күш-жігерді бірік­тіру арқылы мұғалім балаға адам­дық бағыт­ты беруі мүмкін» деп педагог әрі балалар жазушысы В.А.Сухомлинский айтпақшы, мектепте үштік одақ жұмысы жақсы жолға қойылған.

– «Балапан» шағын орталығы «Балапан» бағ­дар­ламасы аясында 2011 жылы өз жұмы­­сын бастаған. Шағын орталық жұмы­сы тікелей бақы­ла­уы­мыз­­да. Бала­бақша әдіскері Әлия Берденова балабақша жұмысын жан­дандыру мақсатында қарқынды ең­бек етіп келеді. Орталық жұмысы жыл өткен сайын жанданып, жолға қойы­лып отыр. Орталықты бүгінде 50 бүлдіршіннің шат-шадыман күлкісі нұрға бөлеп келеді. Олар жас ерекшеліктеріне қарай екі топқа жіктелген. Бұнда ел ертеңіне айналар кішкентай балғындар үшін барлық жағдай қол­жетім­ді. Шағын орталықта бүгінде барлығы 16 қызметкер жұмыс істейді.

– Білім беру ұйымдарының тәрбие бағытын­дағы жұмысының мазмұнын толық­тыру мақ­са­тын­да «Мектеп театры» жобасы қолға алын­­ған болатын. Бұл жоба біз­дің мектебімізде де бар. «Мектеп театры» жобасының балаларға берері көп. Оқушылар бос уақытында театр жұмы­сына икемделіп, сахнада өздерін еркін ұстау­ға, кейіпкер бейнесін ашуға, шығарманың маз­мұнын толық түсініп, сахна­лап шығуға машық­танып келеді. Сонымен қатар мектеп жаны­нан жасақталған жылыжай жұмысына атсалы­сып, түрлі тәжірибе жасайды. Бүгінгі таң­да «Жасыл мектеп» жобасы аясында оқу­шы­лар жылыжайда көкөніс егіп, оны ыстық тамақ­пен қамтылған оқушылар мен балабақша бүлдіршіндері тұтынуда. Мектеп кітапханасы да оқушылардың бос уақытын тиімді пайдалану үшін тиімді жобалар негізінде жұмыс жасайды. Қазіргі таңда мектеп мұражайы жасақталуда. Оқушылар мектеп тарихымен танысып, түрлі мәдени іс-шара­­ларын, ардагерлермен кездесуді осы орта­лықта ұйымдастыра алады. Сондай-ақ кәсіпкерлік жобасы жұмыс істейді. Онда оқушы­­лар шығармашылықпен айналысып әрі қазір­гі заман талабына сай кәсіп түрін меңгеріп, тәжіри­бе жинақтайды.

– Аудандық газеттің 85 жылдық мерейтойы­мен мектеп әкім­шілігі атынан құттықтаймын! Білім саласына ғана емес, аудан, облыс көлемін­де атқарылып жатқан жұмыстарға ақпараттық қолдау көрсететін басылым жұмысы алға баса берсін! Сіздерге шығармашылық табыс тілеймін!