Соңғы алты жылда ауданның білім саласы бойынша бірқатар жұмыстар атқарылып, жаңа ғимараттар мен балабақшалар пайдалануға берілді. Сонымен қатар, инновациялық мектептер саны артты.

2018 жылдың қорытындысымен Шіркейлі ауылындағы №129 Ә.Жәмішев атындағы орта мектепке мектеп-лицей статусы берілді.

600 орындық мектеп-лицейде қазіргі таңда 85 мұғалім жұмыс жасайды. Жалпы кабинеттер саны 32. Іргелі білім ордасында 592 оқушы білім алуда.

№129 Ә.Жәмішев атындағы мектеп-лицей директоры Ж.Назаров Астана қаласында өткен республикалық байқауда «Үздік директор – 2018» аталымы бойынша марапатталған және жыл қорытындысымен «Ең шығармашыл директор» номинациясы берілген.

2018-2019 оқу жылында білім ұясы екінші мәрте «Үздік білім ордасы» атты ауыспалы туды жеңіп алды. Ауыл мектебінің жетістіктеріне орай «Мәді Қажы» ЖШС мектеп-лицей ұжымына «Hyundai Grand Starex» автокөлігін сыйлыққа берді.

Айта кету керек, қазіргі таңда аудан бойынша 5 мектеп-лицей бар. Олар №35 И.Тоқтыбаев атындағы мектеп-лицей, №36 Ә.Тәжібаев атындағы мектеп-лицей, №42 Қ.Баймағанбетов атындағы мектеп-лицей, №37 мектеп-лицей және №129 Ә.Жәмішев атындағы мектеп-лицей.