Конго-Қырым геморрагиялық қызбасына қарсы дезинфекция жұмысы пысықталды
Сырдария ауданында Конго-Қырым геморрагияляқ қызбасы ауруының алдын алу бойынша санитариялық-эпидемияға қарсы, санитариялық-профилактикалық іс-шараларын ұйымдастыру және жүргізу жөніндегі 2022 жылы көктемгі эпимаусымында жүргізілетін залалсыздандыру жұмыстарының кестесі бекітілді. Ауданда 2022 жылы Конго-Қырым геморрагиялық қызбасы ауруына қолайсыз деп танылған елді мекендер орналасқан ауылдық округ әкімдерімен хат алмасып, қолайсыз елді мекендердегі мал басы, (мүйізді ірі қара, түйе, уақ мал, ) қора-жай, суат, шаңлақтар, мал жиналатын жерлер ескі қи-көңнен тазарту, механикалық тазалау жұмыстарын жүргізуді залалсыздандыруға дейін аяқтау жөнінде ауылдық округ әкімдеріне тапсырылып, атқарылуда.
Алдын алу жұмыстарына байланысты нақтыланған елді мекенге арнайы барған әкімінің орынбасары Д.Байдушев, аудандық санитарлық эпидемиологиялық бақылау басқармасының басшысы Самалбек Өмірбаев, аудандық ветеринариялық станциясының директоры Нұрлыбек Дәулетбаев ауылдық округ әкімдеріне Конго-Қырым геморрагиялық қызбасы ауруының қоздырғышын тасымалдаушы иксодты кенелердің жылдағыдан ерте малдарға жабысып, ауру тудыру мүмкіндігіне байланысты кенелерге қарсы залалсыздандыру жұмыстарын барынша тиімді, сапалы жүргізілуінің жауапкершілігі ауылдық округ әкімдері мен ветеринар мамандардан сұралатындығын ескертті.
Сонымен қатар, "Ақтөбе дезинфекция" ЖШС медициналық мердігер мекемесінің өкілі жұмыс жүргізетін нысандармен танысты.
