"Қашықтықты сақта" акциясы аясында түсіндірме жұмыстары жүргізілді

Республикалық "Адалдық алаңы" жобасына сәйкес тұрғындарға "Covid-19" індетінің алдын алу үшін әлеуметтік қашықтықты сақтау және мемлекеттік қызметшілермен тікелей байланысты болдырмау мақсатында түсіндірме жұмыстары жүргізілді.

Аудандық жастар ресурстық орталығының мамандары "Қашықтықты сақта" акциясы аясында Тереңөзек кенті тұрғындарына үнпарақтар таратып, індеттен сақтану керектігін жеткізді.

Қазіргі таңда елімізде қауіпті індеттің қайта өршуі белең алуда. Сондықтан жақынымызға жанашыр болып, сақтық шараларын қатаң сақтау керек.