АКЦИЯНЫҢ ПАЙДАСЫ БАР МА?

"Ақмешіт – адалдық алаңы" жобасы аясында жақында Нағи Ілиясов ауылдық округінде "Ашық есік күні" акциясы өткізілді.

Ауыл әкімі аппаратының мәжіліс залында ұйымдастырылған акцияда ауыл тұрғындарына сыбайлас жемқорлық көріністерін жою мен болдырмау туралы мағлұматтар берілді.

Көрсетілетін мемлекеттік қызметтерді ашықтыққа негіздеудің тиімділігін түсіндірген сала мамандары акцияға қатысушылардың сұрақтарына жауап берді. Жемқорлықты болдырмаудың жолдарын кеңінен насихаттады.

Акция барысында сыбайлас жемқорлыққа қарсы көзқарас қалыптастыратын жадынамалар таратылды. Жалпы, акция барысында бірқатар ауыл тұрғынына түсіндірме жұмыстары жүргізілді.

Б.ОРДАБЕКОВ