Мәслихаттар сайлауы
Тіршілік тынысы Tirshilik-tynysy.kz ақпараттық агенттігі
» » Дзюдошы Нұрқанат Серікбаев әлемдік рейтингте үздік ондыққа кірді

Дзюдошы Нұрқанат Серікбаев әлемдік рейтингте үздік ондыққа кірді

Халықаралық дзюдо федерациясы (IJF) спортшылардың жаңартылған рейтингін жариялады. 66 келідегі отандасымыз Нұрқанат Серікбаев Хорватиядағы Гран-приде жеңіске жеткеннен кейін 6 сатыға жоғары көтеріліп, 10-орынға жайғасты, оның еншісінде 2 748 ұпай бар, деп хабарлайды Egemen.kz.

Бұл салмақта жапониялық Хифуми Абэ 5 200 ұпаймен көш бастады. Оның жерлесі Такеши Такеока 5 000 ұпаймен 2-орынға жайғасты. Ал Тәжікстан өкілі Нурали Эмомали 4 400 ұпаймен үздік үштікті түйіндеп тұр.

Сондай-ақ жаңартылған рейтингте Аман Бақытжан 60 келі салмақта үш саты жоғары көтеріліп, 22-орынға тұрақтады. Оның еншісінде 2 145 ұпай бар. Ал 48 келі салмақтағы Ғалия Тынбаева бірден 13-орынға жоғарылап, 1141 ұпаймен 38-сатыға жайғасты.


Сурет: Ұлттық олимпиада комитеті




17 қараша 2026 ж. 18 0