Қазір сақтансақ, қауіптің беті қайтады

Әлемді шарпыған қауіпті індеттің елімізде өршуіне әлі де болса тұрғындардың бей-жайлығы әсер етуде. Қоғамдық орындарда бетперде тақпай, ара қашықтықты сақтамаудың салдарынан қауіпті ошақ саны да көбейген. Осының алдын алу үшін аудандағы мобильді топтар кәсіпкерлік нысандар мен мекемелерді аралап, сондай-ақ қоғамдық орындарда түсіндірме жұмыстарын үнемі жүргізіп келеді.

Қазіргі таңда бекітілген талаптарға сәйкес аудан халқына санитарлық режимді сақтау қажеттігі ескертілуде. Ал қоғамдық орындарға келуші тұрғындарға үнемі бетперде тағып, антисептик секілді санитарлық құрал-жабдықтарды қолданып жүру тиістілігі айтылуда. Әсіресе, халық көп шоғырланатын сауда дүкендерінде карантиндік талаптар қатаң сақталуы қажет. Сондай-ақ мемлекеттік мекеме қызметкерлері де сақтық шараларына аса мән беруі тиіс. Осы бағыттағы түсіндіру жұмыстарын мобильді топ мүшелері күнделікті ұйымдастыруда.

Әркім өзін және өзгелерді індеттен сақтаудың бірден-бір жолы маска тағып, сақтық шараларын сақтау керек екенін түсінгені жөн. Қазір сақтансақ, қауіптің де беті қайтары анық.