Кезектен тыс сессия өтті

Аудандық мәслихаттың кезектен тыс 58-ші сессиясы өтті. Сессияның күн тәртібінде бірқатар маңызды мәсе­лелер қаралды.

Күн тәртібіндегі мәселелердің басым бөлігі кент және ауылдық округ­тердің 2020-2022 жылдарға арнал­ған бюджетіне қатысты 2019 жылғы шыққан шешім­дерге өзгеріс­тер енгізу туралы болды. Бұл жөнін­де аудандық экономика және бюд­жетті жоспарлау бөлімінің басшысы Ғ.Акбаров түсініктеме берді. Бөлім басшысы «2016-2020 жылдарға ар­нал­ған Сырдар­ия ауданының даму бағдарламасын бекіту туралы» ау­дан­­дық мәслихаттың 2015 жылғы 22 жел­тоқ­сандағы №361 шешіміне өз­геріс ен­гізу мәселесіне қатысты да хабарлама жасады.

Сессияда «Сырдария ауда­нының Құр­­мет­ті азаматы» атағын беру мәселесі қаралып, аудан әкімінің орынбасары Д.Байдушев жоғары атаққа лайық жандардың тізімін ұсынып, олар­дың ауданға сіңірген еңбектерін атап өтті.

Кезектен тыс сессияның күн тәр­ті­біндегі соңғы мәселе «Сырдария ауданының учаскелік сайлау комиссияларын сайлау туралы» аудан­­дық мәслихаттың 2019 жылғы 10 қаң­тардағы №273 шеші­міне өзгерістер енгізу болды. Саяси науқанда ат­қарылатын жұмыстар жөнінде аудан­дық сайлау комиссиясының төра­ғасы Б.Өтегенова хабарлады.

Барлық мәселе қаралып, тиісті шешімдер қабылданғаннан кейін аудан басшысы Т.Дүйсебаев сөз сөйлеп, жылдың аяқталуға жақын қалғанын негізге алып, басым бағыттар мен маңызды жос­парлар жөнінде пікір білдірді. Карантин талаптарына сай сақтық шараларын ұстануды тұр­ғындар арасында кеңінен насихаттау­дың аса маңызды екенін атап өтті.

«ТТ» ақпарат