Тіршілік тынысы Сырдария аудандық қоғамдық-саяси газет

№38 газет

15 мамыр 2021 ж.

№ 37 газет

12 мамыр 2021 ж.

№ 36 газет

07 мамыр 2021 ж.

Жаңалықтар мұрағаты

«    Мамыр 2021    »
ДсСсСрБсЖмСбЖс
 12
3456789
10111213141516
17181920212223
24252627282930
31 
» » Аудан әкімі жас спортшыларды қабылдады

Аудан әкімі жас спортшыларды қабылдады

Биылғы жылдың 17-18 сәуірінде Қарағанды қаласында күрестен Қазақстан чемпионаты өтті. Осы чемпионатта сырдариялық жас спортшылар Ұлту Асқар күрестің грэпплинг түрінен Қазақстан чемпионы атанса, Бибарыс Жұманияз қола жүлдені иеленді. Бүгін аудан әкімі Талғат Дүйсебаев Қазақстан Республикасы чемпионатының жүлдегерлерін қабылдап, жеңістерімен құттықтады.

– Спорт – денсаулық кепілі десек, спорттағы жетістіктер – ел мерейін өсіретін, азаматтық намыс пен жігерін шыңдап, даңқын арттыратын тынымсыз еңбектің жемісі. Мұндай жеңістер қажырлы күшпен келеді. Осы үдеден шығып жүрген аудан спортшылары биік белестерді бағындыруда. Олардың қатарында жастардың жеңіске деген жігерін ерекше атап өтуге болады. Қазақстан чемпионатында намысты қолдан бермей, аудан мерейін үстем еткендеріңіз үшін алғыс білдіремін. Алдағы уақытта да додаларда топ жарып, жеңіс тұғырынан көріне береді деп сенемін. Жеңістеріңіз құтты болсын, – деді аудан басшысы.

Аудан әкімі жас спортшыларды жаттықтырып жүрген бапкерлерге де ризашылығын білдіріп, жүлдегерлерге «Алғыс хат» табыс етіп, сый-құрмет көрсетті.

Кездесуде жас спортшылар спорттағы жетістіктерін айтып, бұдан да жоғарғы белестерді бағындыруға ниетті екендіктерін жеткізді. Ал жастарды жарысқа дайындаған бапкер Бағлан Мығымбаев ауданда күрестің осы саласын дамытуда атқарылып жатқан жұмыстарға тоқталды.

Айта кетейік, күрестің грэпплинг түрінен Ұлту Асқар 48 келі салмақ дәрежесінде Қазақстан Республикасының чемпионы атанды. Жаттықтырушысы – Нұрболат Нұрматаев. Ал күрестің осы түрінен Бибарыс Жұманияз 42 келі салмақ дәрежесінде қола жүлдені жеңіп алды. Бапкері – Бағлан Мығымбаев.
26 сәуір 2021 ж. 43 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам