Денсаулық – аманат
«Ауырып ем іздегенше, ауырмайтын жол ізде» деген халық даналығының терең мағынасын биыл толық ұғындық. Әлемдік дертке айналған бұл вирустан барынша сақ болу, өмірімізді айтарлықтай қауіптен сақтайды.Қазіргі таңда вирус әлемнің бірқатар елдерінде көптеп адам шығынына әкелуде. Сондықтан мемлекетіміз алдын ала дабыл қағып, барынша өз денсаулығымызды күтуге шақыруда. Қарапайым, ендігі көңілімізге жатық болған ережелерді ұстанып, барынша тазалық ережелерін сақтаған дұрыс. Қоғамдық жерлерде тиісінше бетперде тағып, қолыңызды әрбір 20 минут сайын жуып тұруға дағдылану қажет. Сондай-ақ әркім өзімен бірге залалсыздандыру құралдарын алып жүргені абзал.
Мамандар вирустың бірінші толқынына қарағанда, екіншісінен келер қауіп айтарлықтай жоғары деген болжам жасауда. Сол себепті де халық көп шоғырланатын орындарда барынша сақ болып, той-томалаққа баруды тоқтата тұрған жөн. Әркім өз денсаулығының сақшысы екенін ұмытпауы тиіс. Асылында, денсаулық – аманат екені әуелден белгілі. Бір-бірімізге жанашыр болайық.
Алмат БАҒДАТОВ,
ерікті жас,
Аманкелді ауылы
