Қарттарға құрмет толастамайды

1 қазан – Халықаралық қарттар күні және Ұс­таз­дар күні мерекесі аясында «Мәді Қажы» ЖШС-нің демеушілігі­мен, Шіркей­лі ауылдық әкімшілігі, «Ұрпақтан ұрпаққа» қоғамдық бірлестігінің Сырда­рия аудандық фи­лиа­лының және Қалтай Мұ­хамеджанов атындағы ауылдық мәдениет үйі­­нің ұйымдастыруымен «Қарт­тарым – асыл қа­зынам» тақырыбында ме­рекелік кеш өткізілді.

Ізгілікті іс-шараға «Ұрпақтан ұрпаққа» қо­ғамдық бірлестігінің төрайымы Алмагүл Божанова, «Мәді Қажы» ЖШС-нің төрағасы Сейіткамал Сұлтанов, еңбек ардагерлері Зылиха Сыздықова, Мағ­рипа Жүсіпьекова, ауыл­дың қа­зыналы қарттары мен ұстаздар қа­тысты.

Танымдық іс-шара өнерпаздардың жас­тық пен қарттықты суреттейтін сахналық көрі­нісі­мен ашылды. Тағылымы терең көріністе жас буын мен қариялар арасындағы берік байланыс, ізгілік мұрасы, рухани құндылық насихатталды. Бұдан кейін Мақсұт Әбсадықов «Қарттарым, аман-сау жүрші» термесін орындады. Өз кезегінде Қызылорда облысының және Сырдария ауданының Құрметті азаматы Алмагүл Божанова сөз алып, қос мерекемен жиналғандарды құттықтады. Авторлық кітап­тарын ауылдық кітапхана мен іргелі білім оша­ғына табыстады.

– Тарихы тереңде жатқан Сырдың то­пырағы қашанда киелі. Қасиетті мекен Шір­кейлі ауы­лынан талай талантты тұлғалар өсіп-өнді. Туған жер атын асқақтатып, биік белестерді бағындырды. Тынымсыз ең­бек пен қым-қуыт шаруаның бел ортасынан табылған ауыл адамдары әрқашан құр­мет­ке лайық. Уақытында бірлесе атқарған жұмыстарға қолдау көрсеткен елдегі аға­йынды ұмытпаймыз. Ардақты әкелер мен ақ жаулықты аналардың қай кезде де шоқтығы биік. Елі үшін, ұрпағы үшін аянбай еңбек ете білген қазыналы қарттарымыз бен халық баласын оқытқан ұстаздарымызға алғыстан басқа айтарымыз жоқ. Қос мереке құтты болсын, деді «Ұрпақтан ұрпаққа» қоғамдық бірлестігінің төрайымы Алмагүл Божанова.

«Мәді Қажы» ЖШС-нің төрағасы Сейіт­камал Сұлтанов ауыл ардагерлеріне арналған мере­келік жылы лебізін білдірді.

– Жыл сайын шаруашылық тарапынан ардегерлерімізге зор құрмет көрсетіліп келеді. Биыл түрлі салада қызмет еткен арда­гер­лерімізді марапаттауды жөн көрдік. «Қария­сы бар ел – қазынасы бар ел» деген дана халқымыз. Шежірелі қарттарымыздың жүріп өткен жолы – жас ұрпаққа үлгі-өнеге. Өткеннен ғибрат ала білген біздер ардагерлеріміздің ең­бегін жоғары бағалаймыз. Құрмет көрсе­туден жалықпаймыз, – деді серіктестік төрағасы Сейіткамал Абзалұлы.

Кеш барысында халық баласын оқытуда қажырлы қайратын арнаған ардагер-ұстаз­дарға «Ұстаз мерейі» төсбелгісі табысталды. Сонымен бірге, ерең еңбегі үшін түрлі сала ардагерлері «Тәуелсіздік қыраны» төсбел­гісімен марапатталды. Игі іс-шара барысында Қызылорда облысының және Сырдария ауданының Құрметті азаматы Алмагүл Божанова мен еңбек ардагері Зылиха Сыздықоваға құрмет көрсетілді.

Қарияларға құрмет көрсеткен ауыл өнер­паздары әннен шашу шашып, би биледі. Және де жас домбырашылар күй тартысқа шықты. Ардагер-ұстаз Біләл Мақашов жиналғандарға ақ батасын бер­ді.

Балтабай ОРДАБЕКОВ