Басты мақсат – қоғамға бейімдеу

Пробация қызметі әлем­дік тәжірибеде кеңінен қолданылса, соңғы жылдары бұл қызмет еліміздегі қылмыстық-атқару жү­йе­сіне де батыл енді. Аталған қызметтің негізгі мақсаты – шартты түрде, бас бостандығы шектелген және шартты түрде босатылғандар мен сот қаулысымен әкімшілік қадағалау орнатылған азаматтарға әлеуметтік-құқықтық қызмет көрсету.

Пробация дегеніміз, бір сөзбен айтқанда, сынау, байқау деген мағынаны білдіреді. Яғни сынау арқылы адамның қылмыс жасағанына қарамастан, оның түрмеге отырмауына мүмкіндік беру. Ол үшін сот тағайындаған шарттың барлығын орындап, қоғамға бейімделуі керек.

Осы жылдың 15-25 маусым аралы­ғында аудандық полиция бөлімінің жергілікті полиция қызметі мен пробация қызметі бірлесіп «Шартты түр­де сотталған» атты респуб­ликалық профилак­тикалық іс-шарасын өткізуде. Іс-шара кезінде пробация қызметі есе­бінде тұрған азаматтармен ауқымды түрде жұмыс жүргізілуде. Атап айтқанда, шартты түрде жаза өтеп жүріп, бақы­лаудан жалтару, құқық бұзушылық пен қайта қылмыс жасауының алдын алу және сотталғандармен тәрбиелік жұмыс атқарылуда.

Учаскелік полиция қыз­меткерлері сот­­тал­ғандардың тұр­ғ­ылықты мекен жай­лары­нан, ата-аналары, туыс­тар­ы, олардың мінез-құлқына оң ық­пал ететін адамдар­мен про­фи­лак­тикалық әңгіме өт­кі­зілуде.

Бұл іс-шараға полиция бөлімінен 13 учаскелік полиция қызметкері мен про­бация қызметінің инс­пекторлары жұ­мыл­дырылды.

А.САҚЫБЕКОВ,

аудандық пробация қызметінің аға инспекторы, әділет капитаны