Балғын спортшылар жарысы

Сәкен Сейфуллин ауылығына қарасты №137 орта мектепте ауылдың қадірменді ақсақалы, ұлт спорты жанашыры Әбдібек Өтегеновтің 70 жасқа толуына орай, марқұмды еске алуға арналған дойбыдан бастауыш сынып оқушылары арасында өткізілген турнир өз мәресіне жетті.

Екі күнге созылған жарысқа мектеп оқушылары қатысып, өзара бақ сынасты.

Аталған жарысқа төрелік жасаған мектептің педагог-ұйымдастырушысы Серік Есназар оқушыларға Әбдібек Өтегеновтің қысқаша өмір жолымен таныстырды.

Өз кезегінде жарыс жеңімпаздары анықталып, марапатталды.

Балтабай ОРДАБЕКОВ