Чемпионаттың алтын жүлдегерлері

Осы жылдың 3-13 қаңтар күндері Нұр-Султан қаласында волейболдан 2007-2008 жылы туылған жасөспірімдер арасында және Орал қаласында 2005-2006 жылы туылған спортшылардың республика чемпионаты болып, өз мәресіне жетті.

Чемпионатта аудандағы №11СОРМБЖМ-де тәлім алатын жас спортшылар Ержігіт Айбекұлы, Нұрдәулет Амангельдиев, Мақсат Мелс, Нұрдәулет Өтегенов, Арнұр Рүстемов үздік ойын көрсетіп, алтын медаль иесі атанды. Волейболшылар №210 О.Әбілпаттаев атындағы орта мектептің және №36 Ә.Тәжібаев атындағы мектеп-лицейдің оқушылары. Спортшылардың жаттықтырушылары Б.Рысмахан мен А.Сейпулов.

ҚР чемпионатының 2007-2008 жас ерекшелігі бойынша Ержігіт Айбекұлы ең үздік ойыншысы атанды.

Жарыс жеңімпаздары мен жүлдегерлері медаль, диплом және кубокпен марапатталды.

Жалпы айта кету керек, жарысқа еліміздің 13 облысынан 300-дей спортшы қатысты.

Аудан абыройын асырып, ел чемпионатында жүлдегер атанған жас волейболшыларды жеңісімен құттықтаймыз!

Б.ЖАНӘЛІ