Мәжіліс депутаттарын аудан әкімі Берік Сәрменбаев пен ау­дан­дық мәслихат төрағасы Ержан Әжікенов күтіп алып, ең алдымен ауданның әлеуметтік-эконо­микалық, қоғамдық-саяси дамуы туралы ақпарат берді. Топ құ­ра­мында «AMANAT» партиясы Қызылор­да облыстық филиалының төрағасы Алмасбек Есмаханов, об­лыс­тық мәслихат депутаты Жұмабек Ембергенов, «AMANAT» пар­тиясы Сырдария аудандық фи­лиалы­ның Атқарушы хатшысы Ақтөре Ибрагимұлы болды.

Мәжіліс депутаттары Шаған ауы­лындағы ауруханасын күрделі жөндеу сапалы әрі уақытылы жүргізілуі керек екенін айтып, мердігер мекеме өкілдерімен пікір­лесті. «РеалСтройСнаб» серік­тес­тігінің өкілдері күрделі жөндеу жұмыстары наурыз айының басында басталғанын айтып, қыр­күйек айында толық аяқтау жос­пар­ланғанын жеткізді. Қазіргі таңда жұмыстың 80 пайызы аяқталған, ішкі әрлеу және сырлау жұмыстары жүргізілуде.

Жалпы күрделі жөндеу жұмыс­тарына облыстық бюджеттен бө­лін­­ген 328,9 млн теңге бөлінген. Тех­­­­­никалық қадағалаушы «Жайық Строй­­Инжиниринг» серіктестігі құ­­ры­­­­­лыстың сапалы, талаптарға сай жүргізілуін қатаң бақылауға ал­ған. ҚР Парламенті Мәжілісінің депутаттары, «AMANAT» партиясы фрак­циясының мүшелері Мархаббат Жайымбетов пен Мұрат Әбенов Шаған ауылдық ауруханасын жөндеу жұмысы халықтың талап-тілегінен туындаған жұмыс екенін айтып, сапасына мән беру керектігін ескертті.

Айта кету керек, депутаттардың сапары А.Тоқмағамбетов ауылдық округінде ауыл тұрғындарымен кез­­­десумен және тұрмыстық қатты қал­­дықтарға арналған полигон жұмысымен танысумен жалғасты. Ең алдымен халық қалаулылары А.Тоқмағамбетов ауылына барды.

Кездесу барысында Мәжіліс депутаттары сегізінші шақырылымның үшінші сессияында атқарылған жұ­мыс­тар туралы айтты.

– Бірер күн бұрын біз «AMANAT» партиясы фракциясының жиы­нын­да Мәжілістегі сегізінші ша­қы­­­ры­­­лымының үшінші сессия­сында атқарылған жұмысты қо­­ры­­­­­­­­­тындыладық. Қабылданған заң­­­­­дардың саны мен шешілген мә­се­­­­лелердің ауқымы жағынан алып қарайтын болсақ, бұл саяси тұр­ғыда мазмұнды кезең болды. Парламент Әділетті Қазақстанды құру жолындағы реформаларды жүйелі жүзеге асыруда. Бұл жұ­мыс­тағы негізгі бағыт – Мемлекет басшысының бастамаларына заң­намалық қолдау көрсету.

Жалпы біздің партияластар 62 заңға бастамашылық етті. Бұл құжаттар барлық парла­менттік фракциялардағы әріп­тестерімізбен бірлесе жүр­гізген үйлесімді жұмыстың, Үкі­метпен, сарап­шылармен және азаматтық қоғаммен өзара сындарлы іс-қимылдың нәти­жесіне айналды. Сөйтіп, VIII шақырылымда заң жобаларына барлығы 5300-ден астам өзгертулер мен түзетулер енгі­зілді және 626 депутаттық са­уал жолданды, – деді Мархаббат Жайымбетов.

Өз кезегінде әріптесінің сөзін қуаттаған Мұрат Әбенов көп­шілікке бірнеше мәселе бойынша мағлұмат берді.

– Парламент Мәжілісіндегі «AMANAT» фракциясы атқарған жұмыс қорытындысы жөнінде айтар болсақ, азаматтардың мүддесі мен мемлекеттің дамуы – басты назарда. «AMANAT» партиясы фракциясы VIII шақы­рылымның үш сессиясы аясында Президент Жолдаулары мен партияның сайлауалды бағ­­­дарламасын жүзеге асыру бойын­ша жүйелі және нәтижелі жұмыс жүргізуді жалғастырды. Қабылданған бастамалар негіз­гі салаларды қамтыды: эко­номика, денсаулық сақтау, білім беру, әлеуметтік қорғау, цифр­­лық инфрақұрылым және аза­­маттардың құқықтары. Фрак­­­­­ция барлық заң жобаның 82,6%-на бастамашылық ет­ті, тұрғындармен 4 мыңнан астам кездесу өткізді және азамат­тардың өмірінде орын алған нақты өзгерістерге қол жеткізді. Біз сайлаушылардың ұсыныс-пікірін алдағы уақытта да ескеріп, нақты жұмыстар атқаратын боламыз. 1 шілде күні Сыр еліне депутаттық қызмет сапарымен келдік. Саяси тілде «каникул» деп аталып кеткен, шын мәнінде парламенттік жұмыстың өңірлік деңгейде жалғасуы. Кесте бойынша іс-шаралар, күніне бірнеше кездесулер, жеке қабылдау жоспарланған. Әріптесім Мархаббат Жайымбетовпен бірге өңірді аралап, өнді­рістік жобалармен танысып, экономикалық әлеуметтік саладағы

қалыптасқан жағ­дайды өз көзімізбен көріп, сай­лау­шы­лармен кездесеміз, – деді Мұрат Әбенов.

Депутаттардың сапары «Қы­­­зы­­л­ор­да-Жалағаш» авто­жолы­­­­ның бойынан көлемі 4 гек­­тар жерге салынған поли­гон жұмысымен танысумен жал­ғасты.

– Бұл полигонның аудан тұр­ғындары үшін маңызы зор. Полигон құрылысына облыстық бюджеттен 475,5 млн теңге бөлінген. Полигонда тұрмыстық қалдықтар сұрыпталады. Құры­лыс жұмыстарын «Техоснастка-Ремсервис» ЖШС атқарған. Айта кету керек, полигон шаруа­шылық және өндірістік аймақтардан тұрады. Өндірістік аймақта тұрмыстық қатты қал­дықтарды сұрыптап жинайтын арнайы алаң, сүзгіш құдығы орналасқан. Мұнда жылына 3500 тонна тұрмыстық қатты қал­дықтар сұрыпталмақ, – деп ақпарат берді аудан әкімі.

Мәжіліс депутаттары тұр­ғындар үшін жайлы орта қа­лып­тастыру үшін тұрмыстық қатты қалдықтарға арналған поли­гонның жұмысын жүйелі ұйымдастыру қажеттігін айтты.

Одан кейін Мәжіліс депутаттары «Руханият» орталығында жеке қабылдау өткізді. Жеке және заңды тұлға­лар өкілдерін қабыл­дауға келушілер инфра­құрылымды жетіл­діру, құрылыс, кәсіпкерлік, әлеуметтік сала және «Ауыл аманаты» жобасына өзгерістер енгізу бойынша мәселелерді көтерді.

Мәселен, білім саласының ардагері Ұ.Жанәлиева «Жайлы мектеп» салу бойынша сұрақ қойса, кент тұрғыны С.Тобағұлов апатты үйлер мәсе­­лесін шешу туралы айтты. Сонымен қатар С.Сейфуллин ауылының тұрғыны Б.Рахметов «Ауыл аманаты» бағдарламасы аясында Қызылорда облысында асыл тұқымды малын сатып алу талабын алып тастау бойынша ұсынысын жеткізсе, Қалжан ахун ауылының тұрғыны Б.Зинабдинов Қалжан ахун ауы­­лының электр желілерін жаңар­ту жобасы 2024 жылы бас­талып бүгінгі күні аяқталмай тоқтап тұрғанын айтты.

Әр мәселенің түйінін тарқа­тып, шешу жолдарын қарас­тырған ҚР Парламенті Мәжілі­сінің депутаттары көте­ріл­­ген мәселелерді жеке бақы­лауға алып, жұмыс жасайтынын айтты.