ҚР Парламенті Мәжілісі депутатының сапары Шаған ауылында жалғасты

ҚР Парламенті Мәжілісіндегі «Amanat» партиясы фракциясының мүшесі Мұрат Әбенов алдымен Шаған ауылындағы сайлаушылармен кездесіп, Парламент қабырғасында атқарылып жатқан жұмыстарға тоқталып, сайлаушылардың ұсыныс-пікірлерін тыңдады. Айтулы іс-шараға облыстық мәслихат депутаты Ж.Ембергенов, аудандық партия филиалының Атқарушы хатшысы Е.Жақып, аудандық мәслихат депутаты Ә.Серікбаев қатысты.

Сапар барысында депутат Шаған ауылындағы макарон өнімдерін шығаратын цех жұмысымен танысты. Мұнда жоба қуаты сағатына 80-100 кг макарон өнімдерін шығару жоспарлануда. Әзірге 3 жаңа жұмыс орны ашылды, жұмыс ауқымдылығына қарай болашақта 5 ке дейін көбейту көзделіп отыр. Қазір ғимараттың күрделі жөндеу жұмыстары толық аяқталып, құрал жабдықтармен қамтылған.