45 қылмыстық іс қаралды

Сырдария аудандық сотында 2022 жыл­­дың 9 айының қорытындысына арналған пресс-конференция болды. Қорытынды жиынға сот төрағасы Р.Алдамбергенов, судья, сот қыз­мет­керлері мен БАҚ өкілдері қатысты.

Пресс-конференцияда сот төрағасы статистикалық мәліметтерге тоқталды. Осы жылдың 9 айында 52 адамға қатысты 45 қылмыстық іс қаралып, оның ішінде 24 іс бойынша 31 адамға үкім шығарылған. 12 адамға қатысты 12 іс тоқтатылған, 8 іс соттылығы бойынша жолданып, 1 тұлғаға қатысты 1 іс прокуратураға кері қайтарылған. 3 же­кеше қаулы қабылданған.

– Азаматтық істер бойынша есепті кезеңде 295 талап қою мен 6 іс түскен. Барлығы 209 азаматтық іс қаралды. Оның ішінде, 34 сот бұйрығы, 80 шешім қабылданып, 82 іс өндірістен тоқтатылды. 9 іс қараусыз қалдырылды және 4 іс соттылығы бойынша жолданды. 3 жеке ұйғарым қабылданды, – деді сот төрағасы Р.Алдамбергенов.

Аталған мерзімде аудандық соттың өндірісіне 136 әкімшілік құқық бұзушылық іс түскен. Түскен әкімшілік құқық бұзушылық істердің ішін­де 134 адамға қатысты 134 іс қаралған. 1 іс соттылығы бойынша жолданған, 105 адамға әкімшілік жаза қолданылған және 29 адамға қатысты тоқтатылған. Қаралған әкімшілік құқық бұзушылық істер бойынша 8 жеке қаулы қабылданған.

Сонымен қатар, татуласу тәртібімен 3 азаматтық іс, медиатор­лардың қатысуымен 77 азаматтық іс, 19 әкімшілік құқық бұзушылық іс, 12 қылмыстық іс аяқталған. Азаматтық істер бо­йынша сотқа дейінгі хаттама негізінде татуластыру бағытында жұмыстар жүр­гізілген. Жыл басынан бері 62 іс сотқа дейінгі хаттама тәртібімен аяқталған.

Сот төрғасы аудандағы мал ұрлығы, бөтеннің мүлкін ұрлау, есірт­кі, психотропты заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау, мас күйінде көлік басқаруға қатысты қозғалған қылмыстық іс туралы мәлімдеді. Сондай-ақ, азаматтық іс бойынша неке бұзу, адамдардың қайтыс болуына байланысты сотқа жүгіну фактілерінің көбейгені туралы айтты. Бұл ретте, тұрғындардың отбасы мүшелерінің бірі қайтыс болған жағдайда міндетті түрде учаскелік полиция мен дә­рігерге уақытылы хабарлау керектігі қажетті құжатты созбалаңға салмай алуына мүмкіндік беретіні ескертілді.

Сонымен қатар өтетін әрбір сот отырысы ерекше құпиялықты қажет етпесе, барлығы ашық түрде өтетіндігі, оған кез келген аза­маттың қатысуына болатыны хабарланды.

Бибісара ЖАНӘЛІ