ШЫНЫҚСАҢ ШЫМЫР БОЛАСЫҢ

Адамға ең керегі денсаулық. Су үлкеннің де, кішінің де ағзасы үшін пайдалы. Кент орталығындағы «Бақ-Нұр бөбек» жеке балабақшасында жазғы сауықтыру, шынықтыру жұмыстары жүйелі атқарылуда. Жақында балалардың сүйікті мекенінде «Денсаулық» саласы бойынша, «Көңілді жаз қызықтары» тақырыбында сумен ойындар өткізілді. Балалар су ваннасын қабылдап, түйе табанның алдын алу мақсатында, аяқтарына, басқа да дене мүшелеріне сумен массаж жасалды. Бүлдіршіндер ауа ваннасын да алды. Ол таза ауада қимылды ойындар арқылы жүргізілді. Сондай-ақ, күн ваннасын қабылдау барысында балалар басына күнқағар киіп, құмда ойнап, төсеніш үстінде ертегілер тыңдады.
Балалар өткізілген іс-шараға үлкен қызығушылық танытты.

Ш.БАЛТАБАЙҰЛЫ