Алдымен аудандық ардагерлер ке­ңе­­сінің төрағасы М.Келдібаев өткен жылы атқарылған жұмысы туралы есеп берді. Өз есебінде М.Келдібаев ау­дан­дық ардагерлер кеңесінің құра­мында 74 ұйым бар екенін атап өтті. Онда ардагерлер саны – 4271. Екінші дүние­жүзілік соғысының ардагері – 1, басқа мемлекеттердің аумағындағы ұрыс қимылдарының ардагерлері – 38, Ұлы Отан соғысының ардагерлеріне теңес­тірілгендер – 20, тыл ардагерлері – 98. Жыл бойы ардагерлердің қа­тысуы­мен өткен іс-шаралар жас­тар­ға тәрбие беру мақсатында ұйым­дас­тырылып, облыстық, аудандық спорт­­тық жарысқа қатысқан ардагерлер жүлделі орын иеленген. Өткен жылы жеңістің 80 жылдығына орай бірқатар мерекелік іс-шаралар өтіп, аудандағы жал­ғыз соғыс ардагері Яхия Тасыровқа жоғары дәрежеде құрмет көрсетілген. Сонымен қатар ҰОС қатыс­қан Қуаныш­бай Досмағанбетов пен Әбілқасым Ақшаловқа екі көше аты берілген. Ардагерлердің қатысуымен өткен «Жұмыс­шы мамандықтар жылына» байланысты әрбір елдімекенде жұмыс­шы ардагерлердің өмір жолын наси­хаттауға арналған кездесу кеші өткен. Жылдың негізгі іс-шарасы – отбасы күніне орай өткен «Мерейлі отбасы» ұлттық байқауы. Байқаудан шір­кейілілік Әбсадықовтар отбасы рес­пуб­ликалық дәрежеде құрмет көрді. Әулеттің үлкені Жақсылық Әбсадықов озат күрішші болған ардагер.

– Жыл соңы ауыл ардагерлерінің өмірінде маңызды іс-шараға толы болды. Қоғалыкөл ауылында дін ғұламасы Құлболды ишан Сұлтанұлының 240 жылдығы атап өтілді. Сондай-ақ аудан журналистикасының абызы Сұл­тан Қожаниязовтың атына кө­ше бе­рілуі­не орай еске алып, ас беріл­­ді. Облыс ардагерлері арасында өткен «Шәмші – вальстің королі» бай­қауында сырдариялық ардагер Роза Тұрмағанбетқызы жүлделі орын алса, Марат Жайсаңбаев Алғыс хат иеленді. Денсаулықтары сыр беріп жатқан 18 ардагерге үйіне барып сый-құрметімізді жасадық. Жыл бойы атқарылған іс-шаралар ардагерлер арасындағы сый­ластықты нығайтып, қо­ғамдық бел­сен­ділікті арттыруда. Мұның бар­лығы үлкенге – ізет, кішіге – құрмет көрсететін, өнеге болатын басталамалар деп білемін, – деді аудандық ардагерлер кеңесінің төрағасы.

Алқа мәжілісінде Бесарық, Аман­келді, Қоғалыкөл ауылдық арда­гер­лер кеңесінің төрағалары баста­уыш ұйым­дарының рөлін арттырудағы жұ­мы­сы туралы хабарлама жасады.

Мәжілісте шығып сөйлеген бірқатар ауылдық ардагерлер ұйымының тө­раға­лары ауылдық жерде берілетін ас-құдайылардың ас мәзірін қолға алу, санаторияға жолдама беру, өнерге бау­лу т.б. мәселе туралы ұсыныс айтып, пікір білдірді. Өз кезегінде аудандық жұмыспен қамту және әлеуметтік бағ­­дарламалар бөлімінің басшысы А.Есмағанбетова санатория-курортқа жол­дама беру туралы сұраққа байланысты түсініктеме берді. Бөлім басшысы бұл мақсатқа бюджетте қаржы қарастырылмағанын айтты.

Алқа қорытындысында қоғамда арда­­герлердің белсенділігі мен өмір сүру сапасын арттыру мәселесі назардан тыс қалмайтыны айтылып, бір топ ардагерге Алғыс хат табысталды.