Сайт жұмысы тоқтамайды
Ауданның төл басылымы «Тіршілік тынысы» газетінің электронды сайты 2016 жылдан бастап жұмыс жасауда. оқырманның сұранысына сай қалыптасқан басылымның сайтында «негізгі жаңалықтар», «саясат», «қоғам», «тарих», «экономика», «оқиға», «әлем», «мәдениет», «бейнебаян», «фотобаян», «спорт», «хабарландыру» айдарлар қамтылған. Күнделікті мазмұнды ақпараттармен жаңартылып отыратын «Тіршілік тынысы» газетінің сайты арқылы бүгінге дейін оқырманға 15 мыңнан астам ақпарат ұсынылды.
Қазіргі таңда республика және алыс-жақын шет елде де оқырмандарымыз бар. Аудан өмірінде орын алған елеулі оқиғаларға басымдық беретін басылымның сайты көпшілік арасында сұранысқа ие. Негізінен электронды сайт аптаның 7 күнінде тоқтаусыз жұмыс жасайды. Жалпы алғанда, аудан көлемінде өткізілген ауқымды жиын мен іс-шара, мәдени көпшілік концерт пен түрлі байқау, құқық қорғау саласы, төтенше жағдай, зиялы қауым өкілдерінің пікірлері, саяси жаңалықтар, ауданға қарасты елді мекендердегі елеулі оқиғалар шығармашылық топ өкілдерінің назарынан тыс қалмайды. Сонымен бірге оқырмандарға көңілді демалыс сыйлау мақсатында пайдалы кеңес, психологиялық тест, әзіл әңгімелер тұрақты жарияланып отырады. Ал танымдық, тарихи мақала қоры сайтта жеткілікті. Аптаның сейсенбі және сенбі күндері газеттің электронды РDF нұсқасы сайтқа орналастырылады.Бір аптада 8 мыңға жуық оқырманға сапалы ақпарат ұсынатын «Тіршілік тынысы» газетінің сайтында басылымның беделін көтеру мақсатында зиялы қауым өкілдерінің оң пікірі жарияланып келеді. Айта кету керек, электронды сайттың қызметі жоғарғы көрсеткішпен сараланады. Сондықтан «facebook», «whatsapp», «вконтакте», «e.mail.ru», «одноклассники», «telegram» әлеуметтік желісі арқылы оқырман тарту бір жолға қойылған.
Бүгінде электронды сайт арқылы «Баспасөз – 2021» науқаны белсенді түрде жүргізіліп келеді. Бұл ретте басылым қызметкерлері күн сайын баспасөзге жаздыруға атсалысқан жандарға алғыс айтып қана қоймай, әлеуметтік желі белсенділерін мүмкіндігі шектеулі жандар мен ардагерлерге жазып беруге шақыру жұмыстары ұйымдастырылуда.
Әлем бойынша адамдардың 90 пайызы ғаламторды қолданатыны белгілі. Ең алдымен, әлеуметтік желіде отыратын оқырман үшін журналистиканың жаңа бағыты – СММ бағыты бойынша басылым қызметкерлері мол тәжірибе жинақтаған. Осы күні «фейсбук» әлеуметтік желісінде мыңнан аса оқырманы бар «Тіршілік тынысы» ресми парақшасы идеологиялық тұрғыдан маңызды рөлге ие болып отыр.
Алдағы уақытта тың жобаларға иек артатын басылым қызметкерлері сайт жұмысын жандандыра бермек. Бүгінгі журналистиканың өрісін кеңейте отырып, бәсекеге қабілетті болу – әрбір тілшінің міндеті. Адамзат өмірінде бастауын үнпарақтан бастаған журналистикадағы интернет ресурсы 80 жылдан аса тарихы бар басылымның мызғымас бір бөлшегі саналады.
Балтабай ОРДАБЕКОВ
