Онлайн оқырман көбейді
Аудандық «Тіршілік тынысы» газетінің сайтындаоқырманға жедел ақпарат пен танымдық мақалалар күнделікті жариялануда. Күн санап сайтымыздың оқырман саны артып келеді. Соңғы 1 жылда 431 мыңнан аса қаралым жинаған tirshilik-tynysy.kz сайтының тілшілері елімізбен қатар әлем жаңалықтарын оқырман назарына ұсынуда. Елдегі ахуалдың өршуіне байланысты шығармашылық топ мүшелері қашықтан жұмыс істеуге көшті. Көзі қарақты оқырманға күн сайын«Жаңалықтар», «Әлем», «Қоғам», «Оқиға», «Экономика», «Тарих», «Мәдениет», «Спорт», «Фотобаян», «Бейнебаян» және «Хабарландыру» айдарлары бойынша жедел ақпарат таратылуда.
Шығармашылық топ мүшелері Facebook, Instagram, Telegram, Twitter, Вконтакте әлеуметтік желілеріндегі жеке парақшараларын жүргізіп, сайт мақалаларын оқырманға ұсынуда. Сонымен қатар Facebook әлеуметтік желісінде «Тіршілік тынысы» газетінің ресми ашық парақшасы журналистиканың жаңа бағыты SMM бойынша оқырмандарға қызмет етеді.
Айта кету керек, жыл көлемінде Ресей, АҚШ, Канада, Бразилия, Қытай, Франция, Нигерия, Финляндия, Литва, Украина, Түркия, Индонезия секілді тағы басқа әлем елдерінен tirshilik-tynysy.kz сайтына қызығушылық танытатындар көбейген.
