Тіршілік тынысы Сырдария аудандық қоғамдық-саяси газет
» » » Ауыл мәдениетінің ошағы

Ауыл мәдениетінің ошағы

Ажары айшықты ауыл клубы 2005 жылы типтік жобада салынған, 150 орындық көрер­мен залы бар. 8 адамды жұмыспен қамтып отырған клубта 2020 жылы 43 мәдени-көпшілік іс-шара ұйымдастырылып, 4025 көрерменін көзайым еткен. Елдегі пандемияға байланысты шараның басым көпшілігі онлайн түрде өткізілген. Айта кетейік, ауыл ішінде интернет қолжетімді.

Ауылдық клуб жанынан құрылған алты үйірме жұмысын жалғастыруда. Ән, би, көр­кемсөз, домбыра, әжелер ансамблі және мәдени үгіт-бригада топтары 60-қа жуық ауыл тұрғынын өнер мен мәдениетке тартуда. Клуб мүшелері аудандық, облыстық, республикалық байқауларда бақ сынап, халықаралық тартыстарда төбе көрсетіп жүр. Бұл – шағын ғана ауыл мәдениетінің үлкен мәртебесі. Мұнда тек ауыл арасындағы ғана емес, облыс көлеміндегі іс-шаралар өткізіліп тұрады. Былтырғы жылы қазақтың бас ақыны Абай Құнанбайұлының – 175, есімін ауыл иеленген Сыр ақыны Асқар Тоқмағамбетовтің – 115 жылдығына арналған шаралардың шырайын келтірген ауыл клубында биыл Қазақстан Республикасы Тәуелсіздігінің 30 жылдығына арналған байқаулар басталып кеткен. Мереке қарсаңында мәдениеттанушы, ҚР Журналис­тер одағының мүшесі, мәдениет саласының ардагері, Сырдария ауданының «Құрметті азаматы» ақын Сейтмұрат Ембергеновтың 90 жылдығына орай облыстық ақындар мүшәйрасын өткізу жоспарлануда.

ТҮЙІН. Шағын ауылдарды дамыту мен гүлдендіру – үкімет алдындағы үлкен мәсе­ленің бірі. Президент Қасым-Жомарт Тоқаев әр жолдауында осы тақырыпқа баса тоқталып өтеді. Мемлекет тарапынан ауылды және агроөнеркәсіп кешенін дамыту шаралары қабылданып, іске асуда. Елбасы Н.Ә.Назарбаев айтқандай: «Біз кез келген ұлттың түп-тамыры ауыл жұртында жататынын естен шығармауға тиіспіз...»

Аружан МҰХАНБЕТҚАЛИ 


06 сәуір 2021 ж. 143 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам