БҰЛ КҮН БҰРЫНҒЫДАН ӨЗГЕРЕК

Мектеп бітіруші түлектердің асыға күтетін күні – 11 жыл білім алып, тәлім мен тәрбиесін қатар берген аяулы ұстаздары мен ыстық білім ордасымен қоштасар күні. Дәстүрге айналған аттестат табыстау рәсімі биыл бұрынғыдан өзгерек өтті. Ауданның мектеп бітіруші түлектері өздері ұсыныс жасап, жиын-тойдан бас тартқан бұл кештің олар үшін маңызы зор деуге болады. Үлкен өмірге қанат қағып, арман мақсатына жетуге бір қадам басып жатыр. Бұрынғыдай қымбат кешкі көйлек пен думандатқан той болмады. Осы бір күнді есте мәңгі қалдыру мақсатында бұның  бәрінен бас тартқан оқушылар әдеттегідей мектеп формасы мен ақ бантикпен келген.
Аудан қарасты барлық мектептерде осы айтулы дата аталып өтті. Биыл аудан бойынша  орта мектеп курсын 307 оқушы, оның ішінде  21-і "Алтын белгімен", 26-сы Үздік аттестатпен аяқтап жатыр.
Салтанатты жиынға аудан әкімінің орынбасарлары мен бөлім басшылары және білім саласының ардагерлері қатысты.

Майя ҚОЖАБАЙ