Мал ұрлығының алдын алу — ортақ міндет

Тереңөзек кенті әкімі аппараты кент аумағындағы қоғамдық қауіпсіздікті қамтамасыз ету және тұрғындардың мүлкін қорғау бағы­тындағы жұмыстарды тұрақты назарда ұстап келеді. Осы орайда, өзекті мәселелердің бірі — мал ұрлығының алдын алу және оны болдырмау. Төрт түлік мал – ауыл тұрғындарының негізгі күнкөріс көзі, адал еңбегінің жемісі. Сондықтан бұл қылмыспен күресу тек құқық қорғау органдарының немесе әкім­діктің ғана емес, бүкіл қоғамның ортақ ісі болуы тиіс.

Көп жағдайда мал ұрлығының орын алуына тұрғындардың өз мал-жанына немқұрайлы қа­рауы, яғни малды бақташысыз, қа­рау­сыз жайылымға жіберуі себеп болып жатады. Өз мүлкімізге жауап­кершілікпен қарау – ұрыларға тос­қауыл қоюдың алғашқы қадамы. Кент әкімі аппараты тұрғындарды малды уақытылы таңбалауға, ен салуға және сырғалауға шақырады. Бұл шаралар жоғалған немесе ұр­лан­ған малды тез арада анықтауға үлкен септігін тигізеді.

«Жұмылған жұдырықтай» бір­ле­сіп әрекет еткенде ғана біз кентіміздің берекесі мен тыныш­тығын сақтай аламыз. Әрбір азамат өз ауласындағы мал-жанына сақ болып, көшедегі күдікті тұлғалар мен көліктерді байқаған жағдайда бірден учаскелік полиция инспекторына немесе әкімдікке хабарлауы қажет.

Тәртіп пен қауіпсіздік – әрқай­сы­мыздың жауапкер­шілігімізден бас­­­талады.

Тереңөзек кентінің әкімінің аппараты

Фото: Нұрболат НҰРЖАУБАЙ