Өнер додасында топ жарды

Ұлттық өнерді ұлықтап, мәдениет саласы қызметкерлерінің шығармашылық ізденістерін қолдауға бағытталған байқаудың тәжірибе алмасудағы маңызы зор. Жақында Қызылорда облыстық халық шығармашылығын дамыту және мәдени-продюсерлік орталығы мен Қармақшы аудандық мәдениет және тілдерді дамыту бөлімінің ұйымдастыруымен облыстық мәдениет үйлері мен клубтары арасында байқау өтті.

Ауқымды байқау «Адал адам» мәдени-тәрбие орталығы тұжы­рымдамасы аясында және Сыр мәдениеті мен өнерінің дамуына өлшеусіз үлес қосқан ардагер, мәдениет майталманы Сұлтан Сармолдиннің есімін ұлықтау мақсатында ұйымдастырылған. Өнер додасы – мәдениет саласы қызметкерлерінің кәсі­би шеберлігін шыңдап, шығар­машылық әлеуетін танытуға мүм­кіндік берді.

Облыстық сайыста берекелі Бесарық ауылдық мәдениет үйінің өнерпаздары жоғары деңгейде өнер көрсетіп, көрерменнің ыстық ықыласына бөленді. Нәтижесінде аудан намысын қорғаған өнер ұжымы жүлделі ІІІ орынды ие­леніп, мерейді үстем етті.

– Ұлттық өнерімізді дәріптеу, жас ұрпақтың бойына рухани құндылықтарды сіңіру – біз­дің басты міндетіміз. Осындай тағылымы мол мәдени байқау­лардың ұйымдастырылуы – ауылдық мәдениет ошақтарының шығар­машылық әлеуетін арттырып, өнер ұжымдарының еңбе­гін бағалауға берілген үлкен мүмкіндік. Сұлтан Сармолдин секіл­ді Сыр мәдениетінің дамуы­на зор үлес қосқан ардақты тұлғаның есімін ұлықтауға ар­нал­ған байқаудың тәрбиелік әрі рухани мәні ерекше. Бұл жетістік ұжым мүшелерінің бір­лес­кен еңбегінің, ізденісінің, өнерге деген сүйіспеншілігі мен жауап­кершілігінің нәтижесі, – дейді ауылдық клуб директоры Маржан Жүсіпбекқызы.

Байқау үш кезең бойынша ұйымдастырылып, қатысу­шы­лар­дың шығармашылық қабілеті мен кәсіби шеберлігі жан-жақты сараланды. Алғашқы кезең «Клуб бренді» деп аталды. Бұл кезеңде мәдениет үйлері мен клубтар өздерінің жеке логотиптерін әзір­леп, «Адал адам» мәдени-тәрбие орталығы» жобасы аясында қалыптастырған ерекше имиджі мен брендін таныстырды. Сондай-ақ клубтардың ішкі-сыртқы безендірілуі, атқарылған жұмыстары бейнеролик пен слайд арқылы көпшілік назарына ұсынылды.

Екінші кезең «Ұлы өнер – ұлағатты адалдық» тақырыбында өрбіді. Қатысушылар ән, би, драма, ақындық өнер секілді кемінде үш жанрды үйлестіре отырып, мазмұнды шығармашылық қойы­лым ұсынды. Бұл кезеңде өнер түрлерінің бір-бірімен үндесуі, сахналық үйлесім, жаңашылдық пен орындаушылық шеберлік бас­ты назарға алынды.

Ал үшінші кезең «Сұлтан Сармолдин және ұлттық өнердегі адалдық мұрасы» деп аталды. Мұнда ҚР Мәдениет қайраткері Сұлтан Сар­молдиннің ұлттық өнер­ге сіңірген еңбегі, тұлғалық болмысы мен қайраткерлік қыз­метін жас ұрпаққа үлгі ету көзделді. Сонымен қатар клуб­тардың жетістіктері мен тәжіри­бесін қамтитын әдістемелік құрал­дар, кітапшалар, брошюралар, буклеттер және символикалық көрнекіліктер ұсынылды.

Облыс бойынша жеті ауданның өнерпазы қатысқан байқауда Бесарық ауылдық мәдениет үйі өнерпаздары лайықты өнер көр­сетті. Нәтижесінде жерлес­те­ріміз жүлделі орын иеленіп, аудан мерейін үстем етті. Бұл жетістік – шығармашылық ұжымның бірлігі мен тынымсыз еңбегінің, ұлт­тық өнерге деген құрметі мен ізденісінің жемісі.

А.МҰХАНБЕТҚАЛИ