Өнерге әркімнің де бар таласы

Аудандық мәдениет үйінде «Балалар жылы» аясында Бесарық ауылдық мәдениет үйінің ұйымдастыруымен «Өнерпаз бол­саң арқалан» та­қырыбында байқау өткізілді.

Іс-шара барысында ауыл өнерпаздары жо­ғары деңгейде өнер көрсетті. Өз кезегінде талантты жастар халық композиторларының ән­дерін шырқады. Дәстүрлі түрде өткізіліп ке­ле жатқан өнер фестивалінде «Сұлу-ай» шығар­машылық өнер орталығының «Ұлттық би» мү­шелері сахналық қойылым қойды.

– «Балалар жылы» аясында көптеген жо­бала­рға иек артып келеміз. Берекелі Бес­арық ауылында балаларды өнерге баулу тұрақты түрде жүзеге асады. Шын мәнінде, үлкен сахнада өнер көрсету арқылы балалар қабілетін аша түсеміз. Бүгінгі өнер фестивалінде ауы­лымыздың атын шығарып жүрген жас өрендер көрермен қошеметіне ие болды. Өнерлі өрендерге қолдау көрсеткен аудан халқына алғыс айтамыз, – деді Бесарық ауылдық мә­дениет үйінің директоры Абзал Молдашев.

Айдана ҚАЛИЕВА