Кәсіпкерлік көкжиегі кеңеюде

Еліміздегі әрбір өңірдің эко­но­микалық әле­уетін арт­тыруға арналған кешенді жос­пар жасалады. Жалпы, ай­мағымызда аграрлық сала­ны дамытумен қатар, кәсіп­керліктің көкжиегі кеңейтуге күш салынуда. Осы күні кәсі­бін бастаған кез келген адам қуатты табыскерге айналу үшін аянып қалмайды. Ал, бизнес ашып, кәсібін дөң­ге­лет­кен жандар көптеген мемле­кеттік бағдарламаның игілігін көреді. Осы ретте,­ Сырдария ауданы бойынша кәсіпкерлік саласында атқарылған жұмыстарды ­саралап көрмекпіз.

Қуатты, дамыған елдерде бизнес көшбасшылары инновациялық жобаларды жүзеге асыруға қаймықпайды. Ал ауданымызда осы жылдың 6 айлық көрсеткіші негізінде 3378 шағын жә­не орта кәсіпкерлік субъектілері тір­кел­ген. Оның ішінде, 138 шағын және орта кәсіпкерлікті заңды тұлға, 1525 жеке кәсіпкер, 1715 шаруа және фермер қожалығы құрайды.

Есепті мер­зімде мемлекеттік жә­не өңірлік бағдарла­малар аясында құны 1,2 млрд теңгені құрайтын 133 жобаға қаржылай қолдау көрсетіл­ген. «Микробизнес-Қызыл­ор­да» бағ­дар­­ла­масы аясында құны 76,0 млн теңгенің 11 жобасы, Ұлттық жоба шең­берінде екінші деңгейлі банктерден құны 136,0 млн теңгенің 3 жобасы, 2021-2025 жылдарға арналған кә­сіп­керлікті дамыту жөніндегі ұлттық жоба бағдарламасы шеңберінде 36 адамға 49,7 млн теңге қайтарымсыз грант, «Кең дала», «Агробизнес» және «Іскер» бағдарламаласы негі­зінде 408,8 млн теңгенің 66 жобасы қаралған.

Сонымен қатар «ҚазАгроҚаржы» акционерлік қоғамының Қызылорда ­филиалы арқылы құны 520,5 млн тең­геге 15 ауыл шаруашылығы техникалары мен құрал-жабдықтары мақұл­данып, ел игілігі үшін берілген. Биыл жыл соңына дейін құны 1,9 млрд теңгені құрайтын 10 инвестициялық жобаны жүзеге асыру бойынша жұ­мыс­тар жүргізілуде. Сондай-ақ жеңіл­­детілген несие алу үшін 2,7 млрд теңгені құрайтын 395 жобаның құжа­ты қаржы ұйымдарының қарауы­на ұсы­ны­лып отыр.

– Сырдария ауданында кәсіпкерлік саласының жұмысын ширату үшін жү­йелі жұмыстар жүргізіледі. Күн са­йын шағын және орта кәсіпкерлікпен айна­лысам деген жандар қатары көбе­йіп келеді. Жергілікті бизнес грант иегері атанып, сан кәсіпті игеру үстінде. Көбіне, инновациялық жо­ба­лар­ды іс­ке асыру – маңызды рөл ойнайды. Сыр­дариялықтар мал шаруашы­лығымен қатар, шағын және орта кәсіпті меңгеруде. Халықтың сұраны­сын қана­ғаттандыратын жобалар өз же­­­мі­сін көрсетуде. Қай кезде де, мем­­ле­кеттік бағдарлама шеңберінде аза­­­­мат­­тарға кәсібін кеңейту үшін барлық мүмкіндік қарастырылады. Өз ке­зегінде кәсіпкерлердің құқығын қорғау күн тәртібінен түспейді, – дей­ді аудандық кәсіпкерлік, өнеркәсіп және туризм бөлімінің басшысы Алмат Сәдуақасов.

Алаш қайраткері Міржақып Дулат­ұлы: «Салт-сананың негізі – елдің қол­данған кәсібінде» деген болатын. Ендеше, әрбір өз кәсібін жандандырып, ел экономикасын молайтуға септігін ти­гізген кез келген бизнес иесінің кәсібіне береке берсін демекпіз.

Балтабай ОРДАБЕКОВ