Кибербуллингпен күрес: жаңа заң қабылданды

Елімізде «Онлайн-платформалар және онлайн жарнамалар туралы» заң қабылданды. Мемлекет басшысы қол қойып бекіткен заң Сенат отырысында қаралып, бірінші оқылымда мақұлданды.

Заң қолданыстағы нормативтік құқықтық базаны жетілдіруге және жекелеген заң­намалық актілерді негізгі «Онлайн-плат­фор­малар және онлайн-жарнама туралы» Қазақстан Республикасы Заңының ере­же­леріне сәйкес келтіруге бағытталған. Яғ­ни, заңның мақсаты – Қазақстан Республикасында онлайн-платформалардың қызметі үшін құқықтық негіз құру. Жаңа заң туралы Ақпарат және қоғамдық даму министрі Дархан Қыдырәлі өз парақшасында жазып, түсіндірме жасады.

«Баршаға белгілі, әлеуметтік желілер бүгінде негізгі ақпарат көзі мен қоғамдық-саяси бағытты қалыптастыратын плат­фор­­­маға айналды. «Қоғам тынысының ба­­­­рометрі» атанған масс-медиа саласы қар­­қынды дамыған тұста ақпараттық техноло­гиялар әсерімен әлем күрт өзгеріске ұшы­­рады, коммуникацияның ландшафты да те­­рең трансформацияға түсті. Мәселен, кү­ні кеше ғана Reuters Institute жариялаған биыл­ғы «Дижитал жаңалықтар есебі» бо­йынша әлемде әлеуметтік желі арқылы жа­ңа­лықпен танысу 30 пайызға ұлғайған» деп жазды министр.

Сондай-ақ бұл заңның Орталық Азияда алғаш рет қабылданып отырғанын тілге тиек етіп, «Жалпы, бұл заң жобасы бірінші кезекте азаматтардың құқығын қорғауға, онлайн-ортаны қауіпсіз және ашық түрде дамытуға бағытталған. Бүгінгі таңда барлық онлайн платформалар интерфейсті қазақ тілінде пайдалануға мүмкіндік бермейді. Заң жобасы аясындағы басты мәселе – мемлекеттік тілдегі онлайн-платформалар интерфейсін дамыту. Жарнамалық мазмұнды орналас­тыратын пайдаланушылардың жарнаманы таңбалау (арнайы белгі қою) қажеттілігіне ерекше мән беріледі» деп пікір білдірді Дархан Қыдырәлі әлеуметтік желідегі парақ­шасында.

Заң аясында көлеңкелі экономика үрдісін азайту және онлайн алаяқтықпен күресу бойынша қажетті шаралар қабылданады. Сондай-ақ қабылданған заң азаматтардың құ­қықтары мен бостандықтарын толыққан­ды іске асыру үшін онлайн платформалармен тиімді ынтымақтастық пен өзара іс-қимыл орнатуға мүмкіндік береді. Және де құжатта онлайн-платформаларда жалған ақпаратты таратуға және орналастыруға тыйым салу, сондай-ақ онлайн-платформаның мен­шік иесіне оны жою бойынша талаптар ен­гі­зіледі. Сондай-ақ заңда онлайн ортаны қа­уіп­сіз және ашық түрде дамыту ескерілген. Азаматтардың өтініштері негізінде буллинг пен өшпенді риториканы қамтитын маз­мұнмен күресуге мүмкіндік беретін нормалар енгізілген.

«ТТ» ақпарат