Праймеризге тіркеу басталды

Nur Otan партиясы 17 тамыз бен 3 қазан аралығында жоспарлаған прай­меризді онлайн түрде өткізуге тіркеу басталды. Бұл туралы партия Төрағасының бірінші орынбасары Бауыржан Байбек «фейсбук» әлеуметтік желісіндегі парақшасында хабарлаған.

– «Қазақстанның партиялық-сая­­­­си даму тарихында алғаш рет ол жал­пы­рес­публикалық партияішілік масштаб­та өтеді. Праймериздің негізгі мақ­саты – партиялық тізімдерді бә­секелі және айқын негізде қалыптас­тыру. Нұротандықтар еліміздің барлық аймағында қоғамның сенімі мен қолдауына ие болған беделді партия көшбасшыларын өздері анықтайды», – делінген жазбада.

Коронавирусқа байланысты пар­тия­ішілік сайлау онлайн-форматта өтеді. Саяси кеңес мүшелері де праймериз өткізу ережесіне енгізілген тиісті толықтыруды қолдаған.

Қоғам арасында праймериз ұғы­мына байланысты сауал көп. Nur Otan партиясы облыстық филиалы төрағасының бірінші орынбасары Ләйлә Төрешова партия филиа­лының «Фейсбук» желісіндегі ресми парақшасында праймериз өт­кі­зу тәртібі мен негізгі ережелері туралы түсіндірді.

– Еліміздің партиялық-саяси да­му тарихында алғаш рет жалпы рес­пуб­ликалық көлемде өткелі отыр­ған праймериздің негізгі мақсаты – партиялық тізімдерді бәсекелі және айқын негізде қалыптастыру. Яғни, ҚР Парламенті Мәжілісіндегі және барлық деңгейдегі мәслихаттардағы тиімді депутаттық корпусты одан әрі қалыптастыру, партиялық желі бойынша ілгерілету, мемлекеттік орган­дардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтау, – деп атап өтті Л.Төрешова.

Мұнымен қоса тұрғындар өздерін толғандырған сауалдарын қойып, 100-ге жуық азамат тамашалады.

Майя ҚОЖАБАЙ