Партиялық бақылау комиссиясы мәселелерді талқылады

Кеше «AMANAT» партиясы ау­дан­­дық филиалы жанындағы пар­тиялық бақылау комиссиясының отырысы өтті. Оның күн тәртібінде 4 мәселе бекітіліп, қаралды. Отырыс­ты «AMANAT»  партиясы аудандық фи­лиалы жанындағы партиялық ба­қылау комиссиясының төрағасы Жұ­ма­бек Ембергенов ашып, жүр­гізді.

Комиссия отырысындағы алғашқы мәселе «Жер аманаты» жобасы аясында ауданда атқарылып жат­^­қан жұмыстарға қатысты болды. Бұл жөнінде аудан­дық жер қатынастары бөлімінің басшысы Бағлан Мей­рам­бекұлы хабарлама жасады.

Бөлім басшысы игерілмеген және мақсатына сай пайдаланылбаған жерлердің мемлекет меншігіне қай­тарылып жатқанын айтты. Сондай-ақ бұл бағыттағы жұмыстар жылдың аяғына дейін кешенді түрде жалға­сатынын атап өтті.

Келесі кезекте білім саласы бойынша жылу беру маусымының ағымдағы барысы қаралды. Оған қа­тысты аудандық білім бөлімінің басшысы Берік Жәні­беков ақпарат берді. Бөлім басшысы білім беру ұйым­дарында отын қоры жеткілікті көлемде екенін жеткізді. Партиялық бақылау комиссиясының мүшелері алдағы уақытта көшпелі жиындар өткізіп, мектептер мен ба­лабақшаларда бақылау жұмыстарын ұйымдастыру қа­жеттігін ұсынды.

Мұнан бөлек комиссия отырысы барысында «AMANAT» партиясы аудандық филиалы жанындағы парт­иялық бақылау комиссиясы құрамына өзгеріс енгізу және алдағы 2023 жылға жоспарды талдау, бекітуге партияның жоғары органдарына жолдау мәсе­лесі қаралып, ұсыныстар тыңдалды. Соңғы екі мә­селе бойынша комиссия құрамы таныстырылып, келер жылдың жоспары талқыланды.

– Мемлекет басшысы барлық жұмысты ашық­тық пен жариялылыққа негіздеу керектігін айтты. Ке­шегі Екібастұзба болған төтенше жағдай бізді де ойланту керек. Сондықтан жылу беру маусымының ма­ңыздылығын ескере отырып, мектептердің отын қоймаларын бақылау қажеттігін ұсынамын. Сонымен қатар игерілмеген, мақсатсыз пайдаланылған жер­лер мемлекет меншігіне өтуі тиіс. Жалпы жерді мүм­кіндігі бар, игеретін, қолынан іс келетін азаматтар алуы керек. Сол кезде кәсіпкерлік те дамиды, аудан да өркендейді. Осы бағыттағы жұмыстар партиялық ба­қылау комиссиясының жіті назарында болады, – деді Жұмабек Ембергенов.

Комиссия отырысында басқа да бірқатар мәселе талқыланып, тиісті шешімдер қабылданды. Комиссия мүшелері мәселердің орындалуын назарға алатынын жеткізді.

«ТТ» ақпарат