Мектеп оқушылары патриоттық сайыста бақ сынады

Сырдария ауданы бойынша білім бөлімі және аудандық жастар ресурстық орталығының ұйымдастыруымен"Балалар жылы" аясында " 7 мамыр Отан қорғаушылар" күніне орай мектеп оқушылары арасында әскери-патриоттық сайысы өткізілді. Сайысқа ауданымыздың 17 мектебінен 90 жуық оқушы қатысты. Шараны аудан әкімі М.Ергешбаев ашып, сайысқа қатысушы оқушыларға сәттілік тіледі.

Аудандық жарыс 5 әскери сайыс түрі бойынша өткізілді:

"Иж-38 пневматикалық винтовкасынан нысанаға ату"- І орын № 131 орта мектеп;

"АК-74 оқу қаруын толық емес бөлшектеп жинау" - І орын № 210 орта мектеп;

"АК-74 оқу қаруының оқжатарын патрондарымен жарақтау" - І орын № 210 орта мектеп;

"Саптық дайындық" - І орын № 129 мектеп-лицей;

"Газ тұмылдырығын жылдамдыққа кию" І орын № 210 орта мектеп.

Жалпы командалық есепте жүлделі І орынды  № 210 орта мектеп, ІІ орынды №132 орта мектеп, ІІІ орынды №129 мектеп-лицей командалары жеңіп алды. Сайыс жеңімпаздарына диплом және бағалы сыйлықтар табысталды.

Сырдария аудандық білім бөлімі