"Әскерге шақырылушы – 2020" сайысы өтті

Аудандық білім бөлімінің ұйымдастыруымен Т. Айтбаев атындағы N 132 орта мектеп базасында Ұлы Жеңістің 75 жылдығына орай мектеп оқушылары арасында "Әскерге шақырылушы – 2020" әскери-қолданбалы спорт түрінен аудандық жарысы өтті.

Аудандық жарыстың мақсаты – оқушыларды ұлтжандылыққа, Отансүйгіштікке тәрбиелеу, әскери-спорттық ойын арқылы мектеп оқушыларына бейбітшілік, бірлік, келісім ұғымын насихаттау, патриоттық сезімін ояту болды.

Аудандық жарысқа 60 оқушы қатысты. Жарыс қорытындысы бойынша жалпы командалық есепте жүлделі І орынды №210 О.Әбілпаттаев атындағы орта мектеп командасы, ІІ орынды №129 Ә.Жәмішев атындағы мектеп-лицей командасы, ІІІ орынды №35 И.Тоқтыбаев атындағы мектеп-лицей командасы жеңіп алды. Жеңімпаздар арнайы диплом мен алғыс хатпен марапатталды.

"ТТ" ақпарат