Аудан әкімі әлеуметтік сала қызметкерлерін құттықтады
Бүгін аудан әкімі Мұрат Ергешбаев әкімдіктің мәжіліс залында әлеуметтік сала қызметкерлерін қабылдады.Әлеуметтік қызметкер – бұл тек кәсіп иесі ғана емес, өзгенің мұң-мұқтажына бейжай қарай алмайтын мейірлі жан.
Аудан бойынша 61 қызметкер әлеуметтік қорғау саласында еңбек етуде. Аз қамтылған азаматтардың, зейнеткерлер мен мүмкіндігі шектеулі жандардың күнделікті қажеттіліктеріне аса мән беріліп, оларға әркез көмек көрсетіліп келеді.
Аудан әкімі әлеуметтік сала қызметкерлеріне саланың өркендеуіне қосып келе жатқан ерен еңбектерін жоғары бағалап, кәсіби мерекелерімен құттықтап, шынайы алғысын білдірді.
