Республикалық турнирдің жеңімпазы

Қызылорда қаласында дене шынық­тыру пәні мұға­лім­дерінің арасында Пре­зи­­дент­тік көпсайыстан респуб­лика­лық тур­нир ұйымдастырылып, жеңімпаз­дар мен­ жүл­дегерлер белгілі болды.

Аталған турнирде Аманкелді ауылын­дағы №42 Қуаныш Баймағанбетов атын­дағы мектеп-лицейінің дене шынықтыру пә­нінің жас мұғалімі Қызылбай Бекзат Шахмарданұлы І орынға ие болып, «Бі­лім нұры» журналының редакция алқа­сы­ның шешімімен «Үздік жас маман» төс­бел­гісімен марапатталды. Осыған орай ауыл әкімі Мейрамбек Нұрғалиев ауыл мектебінде жұмыс істейтін жас маманды ауыл әкімдігі атынан құттықтап, шығармашылық сәттілік тіледі.

«Республикалық турнирде жеңімпаз атануыңызбен ауыл халқының атынан шын жүректен құттықтаймыз. Алдағы уақытта да аламан бәйгелерде топ жарып, жеңіс тұғырынан көріне беруіңізге сенім білдіреміз. Ауылымызда денешынықтыру және спортты дамытуға бағытталған жауапты да игілікті ісіңізге толағай табыс, деніңізге саулық, отбасыңызға аман­шылық тілейміз. Ел ертеңі саналатын жас өрендерді спортқа баулып, әрдайым талаптың төрінен, жеңістің тұғырынан көріне беріңіздер» деді ауыл әкімі.

Жас маман бұл жетістігін өзінің ғана емес, педа­го­гикалық ұжымның ортақ жеңісі санайды.

– Халықаралық байрақты бәсекелерде ел намы­сын қорғап жүрген белгілі спортшылар ауылдан шыққан. Мен де спортпен тұрақты шұғылданып, ауыл балаларын баулып келемін. Қазір ауылда жастардың спортпен тұрақты шұғылдануы үшін жағдай жасалған. Соның нәтижесінде, жастар спортты жанына серік етіп, түрлі жарыстың жүлдегері атануда, – дейді «Үз­дік жас маман» төс­бел­гісінің иегері Б.Қызылбай.

Аманкелді ауылының әкімдігі