Жарыс жеңімпазы анықталды

Ауданға қарасты Н.Ілиясов ауылында Қазақстан Республикасының Тәуелсіздігінің 30 жылдығы мен Сырдария ауданы әкімінің жүлдесіне арналған ересектер арасында үстел теннисінен облыстық турнир өтті.

Облыс тұрғындарын достыққа, патриоттық сезімге, отан сүйгіштікке тәрбиелеу, спортшылардың спорттық шеберлігін арттыру, облыста үстел теннисін дамыту мақсатында өткізілген турнирге облыс бойынша 7 аудан мен Қызылорда және Байқоныр қалаларынан спортшылар қатысты. Жарыс көрермендерсіз санитарлық-дезинфекциялық талаптарды қатаң сақтау арқылы ұйымдастырылды.

Жарыс нәтижесінде, І орынды сырдариялық Болат Бакуов, ІІ орынды байқоңырлық Азамат Төртбаев, ІІІ орынды қазалылық Ернар Ибраев еншіледі. Ал «Үздік ойыншы» номинациясын бірақатар азамат иеленді.

Жарыс жеңімпаздары мен жүлдегерлері Сырдария ауданы әкімінің арнайы «Дипломымен», медаль және қаржылай сыйлықтармен марапатталды.

Б.ОРДАБЕКОВ