Мергендікке баулиды
Мүмкіндігі шектеулі жастар арасында аудандық ішкі саясат бөлімінің қолдауымен өткізілген аудандық спартакиадада ақсүйектер ойыны аталатын бильярдтан сайыс болып өтті. Бұл спорттың пайдалы жағы көп. Мергендікке, дәлдікке баулумен қатар төзімділікке тәрбиелейді. Өйткені шар орналасқан үстелді қанша рет айналасың. Адам үшін дененің үнемі қозғалыста болуы өте пайдалы.Тартысты бәсекеге толы болған бильярд ойынында Төребек Бақтияров жеңімпаз атанып, бірінші тұғырға көтерілді. Екінші орынды Мұратбек Құсайынов, үшінші орынды Бауыржан Пірманов иеленді.
Жеңімпаздар мен қатысушыларға көтерме және ынталандыру сыйлықтары табысталды.
Ш.БАЛТАБАЙҰЛЫ
