Ойында қазақы болмыс бар

Ұлттық бес тас ойыны мүмкіндігі шектеулі жастардың өмірлік белсенділігін арттыруға септігін тигізетіні сөзсіз. Бар болғаны бес тастан тұратын қарапайым ойында қазақтың болмысы бар.

Бүгін аудандық ішкі саясат бөлімінің қолдауымен, «Алғыр ой» коммерциялық емес жеке қордың ұйымдастыруымен мүмкіндігі шектеулі жастар арасында бес тастан мүмкіндігі шектеулі жастар арасында аудандық біріншілік өткізілді. 

Ойын қорытындысында сәкендік Айзат Көбегенова бірінші тұғырдан көрінді. Екінші орынды асқарлық Айнұр Спанова иемденсе, шағандық Аяжан Сахиева үшінші тұғырға көтерілді.

Жеңімпаздар мен жарысқа қатысушылар көтерме және ынталандыру сыйлықтарына ие болды.

Ш.БАЛТАБАЙҰЛЫ