Мергендік сынау сайысы
Дартс ату – мүмкіндігі шектеулі жастар арасында кеңінен дамыған. Мергендік сынау сайысына кент пен ауылдардан көптеген спортшылар қатысты. Жастардың өмірге қызығушылығын оятып, белсенділігін арттыратын осы спорт түрі екені даусыз. Бүгін аудандық ішкі саясат бөлімінің қолдауымен, «Алғыр ой» коммерциялық емес жеке қордың ұйымдастыруымен мүмкіндігі шектеулі жастар арасында дартс атудан аудандық біріншілік өткізілді.Турнирде асқарлық Жанболат Әлсейітов үздік деп танылды. Сөйтіп, жүлделі бірінші орынды иемденді. Екінші орын шағандық Аяжан Сахиеваға бұйырса, тереңөзектік Бауыржан Пірманов үшінші тұғырдан көрінді.
Жеңімпаздар мен жарысқа қатысушыларға көтерме және ынталандыру сыйлықтары берілді.
