Қысқа тұйықталудың қауіптілігі жоғары

Қысқаша тұйықталу – электр тізбегіндегі потенциалы әр түрлі нүктелердің мейлінше аз кедергі арқылы өзара электрлік жолмен байланысуы. Қысқаша тұйық­талу электр қондырғылары изоля­ция­ларының бүлінуінен, тоқ жүретін бөліктерінің бір-бірімен немесе жермен тікелей, не болмаса өткізгіштер арқылы тиіп жанасудан болады. Тоқтың қуа­ты тұтынушылардың бір мез­гілде қосу желідегі тоқ күшін арттыратындығынан, сымдар қатты қызып, ал оны жалғап тұрған оқшаулағыштар жанып ке­туі мүмкін. Тізбектегі тоқ күші мүмкін болатын шамасынан артып кеткенде, қысқа тұйықталу пайда болады.

Қысқаша тұйықталудың ке­сірі және одан сақтану жолдары.

Қысқа тұйықталу – зиянды құбылыс. Қысқа тұйықталу ке­зінде электр энергиясының қа­жетсіз жұмсалуымен қатар тоқ көзі де істен шығады. Бұл кезде пайда болатын күшті тоқтар сымдарды қатты қыздыратындықтан – өте қауіпті, олар өрт тудыруы мүмкін. Сондықтан, тұйық тізбекті құрайтын сымдар тек бір-бірінен ғана емес, сонымен қоса, жерден, яғни қабырғадан, еденнен және тағы басқа заттардан жақсы оқшаулануы қажет.

Қысқа тұйықталу кезінде өртті және тоқ көзінің бүлінуін болдырмау үшін электр тізбегіне бал­қымалы сақтандырғыштарды қо­су керек. Сақтандырғыштардың мін­деті – тоқ күші рұқсат етілген шама­дан кенет артып кеткенде, бір­ден электр тоғының тізбе­гіне тізбектей қосылатын өте жұқа мыс немесе қорғасын сымдар. Тізбек тұйықталған кезде тоқ электр тізбегінің есептел­ген шамасынан артып кетсе, сақтандырғыштар тізбекті ажыратып, қысқа тұйық­талу қатерін болдырмайды.

Тұрмыстағы өрттердің басым бөлігі тұрмыстық электр құрал­дарын пайдалану кезінде өрт қау­іп­сіздігі ережелерін бұзу салдарынан орын алады.

Электр құралдарын пайдалану кезінде тыйым салынады:

– электр шамдары мен жарық­шамдарды қағазбен, матамен жә­не басқа да жанғыш материалдармен жабуға;

– стандартқа сай емес (қолдан жасалған) электр құралдарын қол­дануға;

– желіге қосылған электр құ­рал­дарын қараусыз қалдыруға;

– жанбайтын материалдардан жасалған электр плиталарын, электр шәйнектерін үтіктерді қолдануға.

Есіңізде болсын, Қазақстан Респуб­ликасының «Әкімшілік құ­қық бұзушылық туралы» Ко­декс­іне сәйкес, өрт қауіпсіздігі талап­тарын бұзу немесе орындамауы бойынша әкімшілік жаза көзделген.

Төтенше жағдай туындаған жағдайда «101», «112» нөмірі бойынша құтқару қызметіне хабарласыңыз.

Ескерту: Сырдария ауданының Төтенше жағдайлар бөлімінде 21-4-94 нөмерлі сенім телефоны жұмыс жасайды.

Сырдария ауданының төтенше жағдайлар бөлімі