Автокөліктегі өрт қауіпсіздігі

Бүгінгі таңда адам қозғалысының ажырамас бір бөлігі, ол әрине көлік. Ол өте күрделі механизм, оны пайдалана білу керек және үнемі күтімді қажет етеді. Автокөліктің әртүрлі бөлшектерін үнемі тексерістен өткізіп отырудан бөлек, көліктің өрт қауіпсіздігін де әрдайым бақылауда ұстау қажет.

Автокөліктегі қауіп қайдан пайда болады?

Жанғыш заттардың болуы, жануды болдыратын жағдайлар, жанудың шыққан жері – осылардың барлығы дерлік автоліктегі өрт шығу қаупін негіздейді. Кейде өрт электр тоғының қысқаша тұйықталу себебінен шығуы да мүмкін, тек қана көлік бөлшектерінің ысып кетуінен де өрттің пайда болу қаупі жоғары.

Көліктегі өртті бірден байқауға болады. Жанармайдың иісі немесе кабинадан күйген резеңкенің иісі, алдыңғы қақпағы бөлігінен түтіннің шығуы – осының барлығы жану мен өрттің туындауының алғашқы белгілері болып табылады. Машинаның астына төгіліп жатқан отынды сөндіргенде, өрт сөндіргішті қолданып, көбікті немесе ұнтақты оғынан ортаға қарай бағыттаңыз. Өрт сөндіргішті ең қар­қынды жанып жатырған бөлігіне ба­ғыттаңыз немесе жалынды брезентпен, құммен, жердегі топырақпен, қар­мен басуға тырысыңыз, су құйыңыз. Үстіңіздегі киімдеріңіз май немесе қо­лыңыз жанармайға малынған болса, өрт сөндіруге кіріспеңіз, ол өте қауіпті болуы мүмкін. Жанған өртті тез өшіріп алу қолыңыздан келмесе, көліктен алы­сырақ жерге барып тұрыңыз. Себебі жанармай құйылған ыдыс жарылып кетуі ықтимал. Жанып жатырған көлікке оты­­рып, оны қыздыруға тырыспаңыз. Қауіпті аймақта (кем дегенде 10 метр) адамдардың болмауын қадағалаңыз және 101 немесе 112 номеріне хабарласып өрт сөндіру бөлімін жедел шақырыңыз.

Сырдария ауданы Төтенше жағдай­лар бөлімінде 21-4-94 сенім телефоны жұмыс жасайтыны ескертіледі.

Сырдария ауданының
төтенше жағдайлар бөлімі