Заманауи талаптарға сай келетін нысанда тұрғындарға сапалы медициналық қызмет көрсетілуде.

Бүгінде дәрігерлік амбулаторияда ауыл тұрғындарына 12 медицина қызметкері қызмет көрсетіп, 10 жатын орынмен қамтылған. Медициналық нысан заманауи медициналық құрал-жабдықтармен толық қамтамасыз етілген.Мұнда алғашқы медициналық-санитарлық көмек көрсету, тұрғындарды профилактикалық тексеруден өткізу және жоспарлы ем-шаралар жүргізу жұмыстары жүзеге асырылады.

Сонымен қатар, аудан басшысы ауылдағы күріш зауытының өндірістік қызметімен танысты. Кәсіпорында егін алқаптарынан жиналған күріш өнімі қабылданып, өңделіп, дайын өнім ретінде шығарылуда. Зауыт заманауи технологиялармен жабдықталған. Күріш зауыты ауыл тұрғындарын тұрақты және маусымдық жұмыс орындарымен қамтамасыз етіп, жергілікті халықтың әл-ауқатын арттыруға ықпал етуде.

Аудан әкімі сала басшыларына медициналық қызмет көрсету сапасын одан әрі арттыру, өндіріс тиімділігін күшейту және еңбек қауіпсіздігін сақтау бағытында бірқатар тапсырмалар жүктеді.