Күріш ақтау зауыты ашылады
Аудан әкімі Берік Сарменбаев Тереңөзек кентінде құрылысы басталған күріш ақтау зауытының жұмысымен танысты. Жеке кәсіпкер Шыңғыс Күлімбетов өз қаражаты есебінен 220 млн. теңге және «Бизнестің жол картасы-2025» бағдарламасы арқылы 102 млн. теңге несие алып күріш ақтау зауытының қойма, асхана, қырман ғимаратының құрылыс жұмыстарын жүргізген.
Қазіргі таңда зауыттың жұмысын кеңейту бағытында ғимаратты шатырлау, жаңа технологиямен жабдықталған құрал-жабдықтар орналастыру жұмыстары жүргізілуде. Жеке кәсіпкер 15 адамды тұрақты жұмыспен қамтыған.
