Тұрғындардың талап-тілегіне құлақ түрді

Аудандық ішкі саясат бөлімінің мемлекеттік әлеуметтік тапсырысы негізінде «Сырдария-Нұрдария» қоғамдық қорының ұйым­дастыруымен «Қоғамдық санада сыбайлас жемқорлықтың көріністеріне жол бермеуді қалып­тастыру» бағытында бірқатар мекеме басшысы мен қыз­меткерлері аудан тұрғындарына жеке қабылдау өткізді. Ең алдымен Сырдария орман және жануарлар дүниесін қорғау жөніндегі мемлекеттік мекемесінің директоры Ә.Рахымжанов көпшіліктің талап-тілегін тыңдады.

Қабылдау барысында ме­кеме басшысына орман және жануарлар дүниесін қорғау жөнінде мәселе бойынша бір­неше тұрғын сауал қойды. Өз кезегінде Ә.Рахымжанов тұрғындарға заң аясында жауап беріп, кейбір сала­лық мәселені өз назарына алатындығын жеткізді. Сонымен бірге 236 549 га орман қоры жерін қорғау, өрттің алдын алу іс-шараларын жүргізу, аудан көлемінде мекен ете­тін жануарларды қорғау жө­нінде атқарылып жатқан кешенді іс-шараларға тоқталды.

Кезекті қабылдауда Қызылорда газ тарату жүйесі учаскесінің шебері О.Сайлаубек жергілікті тұрғындармен кездесті. Газ тарату жүйесіне байланысты сала маманына тұрғындар бірнеше сұ­рақ қойып, тұшымды жауап алды. Өз кезегінде ауданға қарасты елді мекендерге газ жүйесін тар­ту мәселесі көтерілді.

Сырдария аудандық аумақтық инспек­ция­сының басшысы М.Наурызбаев тұрғындармен жүз­десу барысында мекеменің мемлекеттік бақы­лау және қадағалау функциясымен қоса арнайы қызметтер көрсететінін айтты. Саланың негізгі міндетін саралаған мекеме басшысы көк­тем-жаз айларында азиялық шегірткенің және италиялық прустың дернәсілдер кезеңіне қар­сы мониторинг жұмысы жүргізілгендігін тілге тиек етті. Осылайша, алдағы уақытта аудан кө­леміндегі жайылымдық, шабындық және ауыл шаруашылығы дақылдары егілген егістік жерлері толық зерттеліп, зиянкесті жою жоспарланған.

Бүгінде көпшілік мал шаруашылығына ден қойған. Жекелеген тұрғындар төрт түлікті баптап, күнкөріске жаратуда. Бұл ретте, ветеринария саласының негізгі басым-бағыты, атқаратын қызметі жөнінде халыққа түсіндіру үшін кәсіпорын басшысы Н.Даулетбаев қабылдау жүргізді. Жеке қабылдауда тұрғындар мал шаруашылығы сала­сындағы қиындықтарды тізбектеді. Мал ұрлығы, төрт түлікті бірдейлендіру, түрлі аурулардың алдын алу іс-шараларына қатысты жұмысты күшейту керектігін айтты. Аудандық ветеринариялық стан­­циясының директоры қабылдауға келген тұрғындар тарапынан көтерілген мәселердің шешілу жолдары Заң аясында қарастырылатынын түсін­дірді.

Мекеме басшылары қызметкерлерге сыбайлас жемқорлықты болдырмау үшін түсіндерме жұмысы тұрақты жүргізілетінін жеткізді. Осы ба­ғыт­тағы іс-шараларды «Сырдария-Нұрдария» қоғамдық қоры алдағы уақытта да ұйым­дас­тыр­мақ.

Балтабай Аябекұлы