Мереке мезіреті толастар емес

Бір ғана емес, сан салалы жұмыс­пен тығыз байланыста еңбек ететін журналист болу екінің бірінің қо­лы­нан келе бермейді. Сондықтан да сала қызметкерлерінің «Жегені – жантақ, ар­­­қалағаны – алтын». Осындай кәсіп ие­­леріне маусым айының соңында ке­­­летін кәсіби мерекеде құрмет көр­сетіледі. Бұл жолғы мерекеде де жер­гілікті басылым ұжымын арнайы құт­тықтаушылар қатары көп болды.

Жылдағы үрдіспен аудандық мәслихат, аудандық ардагерлер, аудандық Қоғамдық кеңес, «АМАNАТ» партиясының аудандық фи­лиалы мен дербес бөлімдер арнайы құт­тықтау тілектерін жолдады. Тіпті, редакция ұжымының бірқатар қызметкеріне «Алғыс» табыс етті. Оған қоса, аудандық мемлекеттік кірістер басқармасы, аудандық ішкі саясат бөлімі, аудандық полиция бөлімі, аудандық Жастар ресурстық орталығының басшылық құрамы арнайы редакцияға келіп, құттықтау тілектерін жеткізді. Мұндай мерекелік мезірет аудандық газет ұжымының мерейін өсіріп, шығармашыл жандарға зор шабыт сыйлады.

Бұдан бөлек, Жеңісбек Сыздықов бас­қаратын «Шаған-Жер» ЖШС ұжымынан да арнайы мерекелік құттықтау жетті. Даланы дүбірге бөлеген еңбек адамдары да журналистерге зор құрмет көрсететінін тағы бір дәлелдеді. Атап өту керек, аудандағы іргелі шаруашылықтардың ішінде «Шаған Жер» ЖШС ғана жыл сайын сырдариялық қаламгерлерді кәсіби мерекемен құттық­тай­ды.

«ТТ» ақпарат