Пәтер тонаушылар құрықталды
Қоғам өмірінде кездесетін негізгі қылмыстың бірі – пәтер ұрлығы. Бүгінде ауданның тәртіп сақшылары пәтер ұрлығына байланысты бірнеше 4 деректі анықтап, қылмыскерлер тиісті жазасын алған.Тұрғындар пәтер ұрлығына байланысты түрлі санатта шағымданатыны мәлім. Қолының сұғанағы бар жандар иесіз тұрған пәтерге кіріп, құнды заттарды ұрлауға дағдыланған. Сондықтан жекеменшік мүліктің ұрланбауына әркім жауапкершілікті сезінуі тиіс. Ол үшін сақтық шараларын күшейтіп, қорғаныш құрал-жабдықтарын орнатқан абзал.
– Қазіргі уақытта пәтер ұрлығын болдырмау үшін тәртіп сақшылары жан-жақты бақылау жүргізуде. Кей жағдайда пәтерлерде қорғаныш құралдарының болмауы осы қылмыс түрінің көбеюіне әкеліп соқтырады. Тұрғындар жекелеген пәтерлердің терезелеріне темір қоршау орнатқаны жөн. Сонымен бірге есіктердің дұрыс құлыпталуына көңілген бөлгені абзал, – дейді тәртіп сақшысы Р.Аймағанбетов.
Дайындаған Балтабай ОРДАБЕКОВ
