Мемлекет меншігіне қол салды

Аудандық полиция бөлімінің кезекті жұмыс күнінде Тереңөзек кенті әкімдігі тарапынан А.Иманов көшесі бойындағы көп қабатты тұрғын үй ауласында орналасқан ойын алаңының құрал-жабдықтары ұрланғаны жөнінде шағым түскен. Тәртіп сақшылары жедел іздестіру барысында күдікті азаматты қолға түсірді.

Мемлекет меншігін саналатын ойын алаңына шығын келтірген Тереңөзек кентінің 45 жастағы тұрғынынан тиісті жауап алынды.

– Күн өткен сайын ұрлық қылмысы аудан бойынша көбею үстінде. Құқық қорғау қызметкерлері қырағылық танытып, орын алған қылмыстарды дер кезінде ашуда. Қазіргі қолының сұғанағы бар азаматтар жеке адамдардың мүлкімен қатар, мемлекет меншігіне қол соғуда, – дейді аудандық полиция бөлімінің бастының орынбасары Е.Жанәлиев.

Балтабай ОРДАБЕКОВ